బాహుబ‌లితో పాన్ ఇండియా స్టార్ అయిపోయాడు ప్రభాస్. సాహో కూడా పాన్ ఇండియా ప్రాజెక్టే. తెలుగులో అంతంత‌మాత్రంగానే రిజల్ట్ వచ్చినా - నార్త్ లో భారీ వ‌సూళ్లు సాధించింది సాహో. ప్ర‌స్తుతం `రాధేశ్యామ్‌`ని కూడా పాన్ ఇండియా వ్యాప్తంగా విడుద‌ల చేయాల‌ని ఫిక్స‌య్యారు. అందుకే బాలీవుడ్ న‌టీన‌టులు, టెక్నీషియ‌న్ల‌ను రంగంలోకి దింపుతున్నారు.
`రాధేశ్యామ్‌` ఫ‌స్ట్ లుక్ పోస్ట‌ర్ ఇటీవ‌లే విడుద‌లైంది. అయితే... పోస్ట‌ర్ లో ఎక్క‌డా సంగీత ద‌ర్శ‌కుడి పేరు క‌నిపించ‌లేదు. ఇప్ప‌టి వ‌ర‌కూ ఈ చిత్రానికి సంగీత ద‌ర్శ‌కుడెవ‌రూ ఖాయం కాలేదు. ఆ స్థానం రెహ‌మాన్‌కి ద‌క్కే ఛాన్సుంద‌ని తెలుస్తోంది. `సాహో` స‌మ‌యంలోనూ రెహమాన్ పేరు గ‌ట్టిగా వినిపించింది. అయితే అప్పుడు ఆ క‌ల‌యిక కుద‌ర్లేదు. అందుకే ఈసారి.. రెహమాన్ తో ట్యూన్లు చేయించుకోవాల‌ని డిసైడ్ అయిన‌ట్టు టాక్‌. ప్ర‌స్తుతం రెహమాన్ తో చిత్ర‌బృందం సంప్ర‌దింపులు జ‌రుపుతోంద‌ని, త్వ‌ర‌లోనే అధికారిక ప్ర‌క‌ట‌న రావొచ్చ‌న్న గుస‌గుస‌లు వినిపిస్తున్నాయి.
