అర్జున్ రెడ్డి చిత్రం తెలుగు చలన చిత్ర పరిశ్రమలో చాలా కాలం తరువాత ఒక ట్రెండ్ సెట్టర్ చిత్రంగా మిగిలిపోయింది.
ఇక ఈ చిత్రం సాధించిన విజయం అలాగే ఈ చిత్ర కథ కూడా అన్ని వర్గాల ప్రేక్షకులకి నచ్చేలా ఉండడంతో ఇతర బాషలలో సైతం దీనిని అనువదించేందుకు ప్రయత్నాలు జోరందుకున్నాయి.
హిందీలో దీనికి సంబంధించి చర్చలు నడుస్తుండగా, తమిళంలో ఏకంగా ఈ చిత్రానికి సంబందించిన ప్రకటన కూడా జరిగిపోయింది. ఈ చిత్రం ద్వారా చియాన్ విక్రమ్ కొడుకు దృవ చిత్ర పరిశ్రమకి పరిచయం కానున్నాడు. ఇక ఈ చిత్రానికి ప్రముఖ దర్శకుడు బాల దర్శకత్వం వహించనున్నాడు.
ఇక ఈ చిత్రంలో హీరోయిన్ గా నిర్మలా కాన్వెంట్ మూవీ ఫేం శ్రియా శర్మ నటించనుంది. త్వరలోనే ఈ చిత్ర షూటింగ్ ప్రారంభం కానుంది.
