తెలుగు జ‌నాల వ‌ర‌కూ కె.ఏ పాల్ ఇప్పుడో ఎంట‌ర్‌టైన్‌మెంట్ పీస్ అయిపోయాడు. పాల్ టీవీలో క‌నిపిస్తే చాలు... న‌వ్వులే న‌వ్వులు. పాల్ వీడియోల‌కు, ఇచ్చే స్టేట్‌మెంట్ల‌కు సోష‌ల్ మీడియాలో రెస్పాన్స్ అదిరిపోతోంది. టాప్ ఛాన‌ళ్లు సైతం పాల్ తో ఇంట‌ర్వ్యూలు పెట్టి, టీఆర్‌పీ రేటింగుల‌ను పెంచుకొంటోంది. యూ ట్యూబ్ ఛాన‌ళ్ల గురించి ఇక చెప్పక్కర్లేదు. పాల్ వీడియోల‌తో హిట్స్ పెంచుకుంటున్నాయి.
ఇప్పుడు పాల్ ని వాడుకోవాలన్న ఆలోచ‌న సినిమావాళ్ల‌కీ వ‌చ్చింది. పాల్‌తో కాసేపు ఆడుకుని - ప్ర‌మోష‌న్లు చేసుకోవాల‌ని భావిస్తోంది. అందులో భాగంగానే నిఖిల్ తొలి అడుగు వేయ‌బోతున్నాడు. నిఖిల్ క‌థానాయ‌కుడిగా న‌టించిన `అర్జున్ సుర‌వ‌రం` త్వ‌ర‌లో విడుద‌ల కానున్న సంగ‌తి తెలిసిందే. ఈ సినిమాలో నిఖిల్ రిపోర్ట‌ర్‌గా క‌నిపించ‌నున్నాడు.
అందుకే... కేఏ పాల్‌తో నిఖిల్ ఓ ముఖాముఖి పోగ్రాం ప్లాన్ చేశాడు. త్వ‌ర‌లో పాల్‌ని నిఖిల్ ఇంట‌ర్వ్యూ చేయ‌బోతున్నాడు. దాన్ని త‌న సినిమా ప్ర‌మోష‌న్ల కోసం వాడుకుంటాడ‌న్న‌మాట. ఇది గ‌నుక క్లిక్ అయితే.. సినిమా వాళ్లు సైతం పాల్‌ని వాడేసుకోవ‌డానికి రెడీ అయిపోతారు. మ‌రి ఈ ఇంట‌ర్వ్యూ ఏమేర స‌క్సెస్ అవుతుందో చూడాలి.
