జవాన్ సినిమాతో బాలీవుడ్ లో అడుగుపెట్టిన అట్లీ బ్లాక్ బస్టర్ హిట్ అందుకున్నాడు. సౌత్ లో స్టార్ డైరక్టర్ గా గుర్తింపు తెచ్చుకున్న అట్లీ బాలీవుడ్ లో ఒకే ఒక్క సినిమాతో రికార్డ్స్ క్రియేట్ చేసాడు. షారుఖ్ కెరియర్ లోనే బిగెస్ట్ గ్రాస్ కలెక్ట్ చేసిన మూవీగా జవాన్ నిలిచింది. నెక్స్ట్ అట్లీ ప్రాజెక్ట్ ఏ హీరో తో అని అంతా ఎదురు చూస్తున్నారు. టాలీవుడ్ పాన్ ఇండియా హీరో అల్లు అర్జున్ తో అట్లీ మూవీ ఉంటుంది అని ప్రచారం జరిగినా అఫీషియల్ గా కన్ఫర్మ్ కాలేదు. ఇప్పుడు అట్లీ ఒక భారీ మల్టీస్టారర్ మూవీ ప్లాన్ చేసినట్లు తెలుస్తోంది.

ప్రస్తుతం పాన్ ఇండియా ట్రెండ్ నడుస్తుండటంతో మల్టీ స్టారర్ సినిమాలు రూపొందు తున్నాయి. ఈ క్రమంలోనే అట్లీ కూడా పాన్ ఇండియా లెవెల్లో ఇద్దరి స్టార్ హీరోలతో సినిమా చేసేందుకు సిద్ధం అవుతున్నాడు. కోలీవుడ్ సూపర్ స్టార్ ర‌జినీకాంత్, బాలీవుడ్ స్టార్ హీరో స‌ల్మాన్ ఖాన్ తో అట్లీ మల్టీ స్టారర్ మూవీ ఉండనున్నట్లు తెలుస్తోంది. నిజంగా ఈ కాంబినేషన్ వర్కౌట్ అయితే బ్లాక్ బస్టర్ గ్యారంటీ. కావాల్సినంత బజ్ ముందే ఏర్పడుతుంది. ఈ కాంబో మూవీ అసాధ్యం కూడా కాదు. ఇప్పటికే రజనీకాంత్ చాలా మల్టీ స్టారర్ సినిమాలు చేసారు. చేస్తున్నారు.

రజనీ ఇప్పటికే జైలర్ లో శివ రాజ్ కుమార్, మోహన్ లాల్, జాకీ ష్రాఫ్ తో వర్క్ చేసాడు. నెక్స్ట్ వెట్టయాన్ లో రానా, అమితాబ్, ఫాహద్ ఫాజిల్ లతో చేసాడు. కూలిలో నాగ్, అమీర్ ఖాన్ లతో,  జైలర్ 2 లో బాలయ్య లాంటి స్టార్ తో స్క్రీన్ షేర్ చేసుకున్నాడు. ఈ క్రమంలో సల్మాన్ - రజనీ కాంబో కూడా నో డౌట్ అని ఫాన్స్ కామెంట్స్ చేస్తున్నారు. ఇది వరకు అట్లీ ఓ ఇంట‌ర్య్వూలో తన నెక్స్ట్ ప్రాజెక్ట్ అవుటాఫ్ ది వ‌ర‌ల్డ్ ఐడియాతో రూపొందుతుంది అని మంచి హైపు పెంచాడు. అదే ఇదే అని ఫాన్స్ రచ్చ చేస్తున్నారు.