మ‌ల‌యాళంలో ఘ‌న విజ‌యం సాధించిన చిత్రం `అయ్య‌ప్ప‌నుమ్ కోషియుమ్‌`. తెలుగులో ఈ సినిమాని రీమేక్ చేసే ప్ర‌య‌త్నాలు ప్రారంభ‌మ‌య్యాయి. హీరోలుగా రానా, ర‌వితేజ ఫిక్స‌య్యారు. అయితే ద‌ర్శ‌కుడెవ‌ర‌న్న‌ది ఇంకా ఖ‌రారు కాలేదు. కాక‌పోతే చాలా పేర్లు బ‌య‌ట‌కు వ‌చ్చాయి, వ‌స్తున్నాయి.

ముందు త్రివిక్ర‌మ్ ఈ సినిమా చేస్తార‌ని చెప్పుకున్నారు. కానీ అది గాసిప్ అని తేలిపోయింది. ఆ త‌ర‌వాత హ‌రీష్ శంక‌ర్ పేరు గ‌ట్టిగా వినిపించింది. ఆత‌ర‌వాత సుధీర్ వర్మని ఖాయం చేశార‌ని చెప్పుకున్నారు. ఇప్పుడు సాగ‌ర్ చంద్ర తెర‌పై కొచ్చాడు. అయ్యారే, అప్పట్లో ఒకడుండేవాడు వంటి చిత్రాలకు దర్శకత్వం వహించిన సాగర్... ఈ రీఏమ‌క్‌ని ప‌ట్టాలెక్కిస్తార‌న్న‌ది తాజా స‌మాచారం. మ‌రి ఈ పేరైనా ఖాయ‌మా? లేదంటే మ‌రో ద‌ర్శ‌కుడు ట్రాక్‌పై వ‌స్తాడా? అన్న‌ది చూడాలి. మొత్తానికి ఆగ‌స్టు నుంచి ఈసినిమా మొద‌ల‌వ్వ‌డం ఖాయంగా అనిపిస్తోంది. ఇత‌ర న‌టీన‌టులు, సాంకేతిక నిపుణుల వివ‌రాలు త్వ‌ర‌లో తెలుస్తాయి.