గతంలో లేడీ డైరెక్టర్‌ నందినీ రెడ్డి దర్శకత్వంలో 'అలా మొదలైంది' సినిమాలో నటించాడు నాని. ఈ సినిమా సూపర్‌ హిట్‌ అయ్యింది అప్పట్లో. చిన్న సినిమాగా తెరకెక్కి సింపుల్‌గా ఎంటర్‌టైన్‌ చేసింది ఈ సినిమా. నిత్యామీనన్‌ హీరోయిన్‌గా నటించింది ఈ సినిమాలో. కాగా ఇప్పుడు మరో లేడీ డైరెక్టర్‌ బి.జయ డైరెక్షన్‌లో నాని ఓ సినిమా చేయబోతున్నాడట. తాజాగా బి.జయ డైరెక్షన్‌లో తెరకెక్కుతోన్న సినిమా 'వైశాఖం' సినిమా ట్రైలర్‌ రిలీజ్‌ సందర్భంగా జయ తన మనసులోని మాటని బయట పెట్టారు. నానితో సినిమా చేయాలని ఉందని.. ఎప్పట్నుంచో ఆమె అనుకుంటున్నారనీ ఆమె అన్నారు. జయ డైరెక్షన్‌లో తెరకెక్కుతోన్న తాజా చిత్రం 'వైశాఖం'. ఈ సినిమాలో హరీష్‌, అవంతిక జంటగా నటిస్తున్నారు. ఈ సినిమా ట్రైలర్‌ తాజాగా విడుదలైంది. 'వైశాఖం' సినిమా విషయానికి వస్తే ఇదో డిఫరెంట్‌ లవ్‌ స్టోరీ. చాలా ఆహ్లాదమైన వాతావరణంలో మనసుకు హత్తుకునే సన్నివేశాలతో తెరకెక్కుతోన్న చిత్రం ఇది. అన్ని వర్గాల వారినీ ఆకట్టుకునేలా ఉంటుందంటున్నారు చిత్ర దర్శక నిర్మాతలు. త్వరలోనే ఈ సినిమా ప్రేక్షకుల ముందుకు రానుంది. 'చంటిగాడు', 'లవ్‌లీ' తదితర సినిమాలతో దర్శకురాలిగా మంచి పేరు తెచ్చుకున్న జయ, 'వైశాఖం' సినిమాతో మరో మంచి విజయాన్ని తన ఖాతాలో వేసుకునేందుకు ఉవ్విళ్ళూరుతున్నారు. సినిమాకి కూడా ఇండస్ట్రీలో ప్రీ రిలీజ్‌ బజ్‌ పాజిటివ్‌గా ఉంది. చిన్న సినిమానే అయినా నిర్మాణంలో ఎక్కడా రాజీ పడకుండా మంచి క్వాలిటీతో ఈ చిత్రాన్ని రూపొందించారు.