రాజమౌళి అద్భుత సృష్టి 'బాహుబలి ది కన్‌క్లూజన్‌' సినిమా ప్రీ రిలీజ్‌ ఫంక్షన్‌ త్వరలో జరగనుంది. ఈ ఫంక్షన్‌ని ఘనంగా నిర్వహించనున్నారట బాహుబలి టీమ్‌. ఏప్రిల్‌ 9న ఈ వేడుక ఘనంగా జరగనుంది. చెన్నైలో ఈ ఫంక్షన్‌ని నిర్వహించేందుకు చిత్ర యూనిట్‌ ఏర్పాట్లు చేస్తోంది. ఈ ఫంక్షన్‌లోనే సినిమా ఆడియోని కూడా విడుదల చేయనుంది చిత్ర యూనిట్‌. ఈ ఫంక్షన్‌కి పలువురు సినీ ప్రముఖులు హాజరు కానున్నారు. తెలుగులోనే కాకుండా, సౌత్‌లోని ఇతర సినీ ప్రముఖులు కూడా విచ్చేయనున్నారట. ముఖ్య అతిధిగా 'తలైవా'.. సూపర్‌ స్టార్‌ రజనీకాంత్‌ రానున్నారని సమాచారమ్‌. ప్రపంచ ప్రఖ్యాతి గాంచిన సినిమాగా తెలుగు సినీ చరిత్రలో ఈ చిత్రం నిలిచింది. ఇలాంటి ఈ సినిమా ఫంక్షన్‌కి ప్రముఖ స్టార్‌ సెలబ్రిటీస్‌కి ఆహ్వానాలు అందాయి. ఇటీవల విడుదలైన ట్రైలర్‌ సంచలనాలకు తెర లేపింది. రికార్డుల్లో ముందుంది. ప్రబాస్‌, రానా, అనుష్క, తమన్నా ఈ సినిమాలో ప్రధాన పాత్రల్లో నటిస్తున్నారు. ట్రైలర్‌ వచ్చినాక సినిమాపై ఉన్న అంచనాలన్నీ మరింత రెట్టింపయిపోయాయి. ఎన్నాళ్లగానో ఎదురు చూస్తున్న 'బాహుబలి' క్లైమాక్స్‌ కోసం దేశమంతా ఎదురు చూస్తోంది. ఏప్రిల్‌ 29న ఈ సినిమాని ప్రేక్షకుల ముందుకు తీసుకొచ్చేందుకు చిత్ర యూనిట్‌ సన్నాహాలు చేస్తోంది. ఇంకో వైపున 'బాహుబలి ది కంక్లూజన్‌' ఫంక్షన్‌ని సరికొత్తగా డిజైన్‌ చేశారు. 360 డిగ్రీస్‌లో 4కె క్వాలిటీతో లైవ్‌ స్ట్రీమింగ్‌ ఇవ్వనున్నారు. ఓ సినిమా ఫంక్షన్‌కి ఈ టెక్నాలజీని వినియోగించడం ఇదే తొలిసారి.