'బాహుబలి' ముందు ఏ సినిమా అయినా తేలిపోవాల్సిందే ఇప్పుడు. అలా నడుస్తోంది ప్రస్తుతం 'బాహుబలి' మేనియా. అందుకే ఏ ఇతర సినిమాలు ఈ టైంలో విడుదల చేయడానికి ధైర్యం కాదు కదా.. అసలు ఆలోచనే చేయడం లేదు. కానీ ఓ సినిమా మాత్రం ధైర్యంగా ఈ వారం రిలీజ్‌కి రెడీ అవుతోంది. అదే 'బాబు బాగా బిజీ' సినిమా. అవసరాల శ్రీనివాస్‌ ప్రధాన పాత్రలో తెరకెక్కుతోంది. మే 5న 'బాబు బాగా బిజీ' సినిమా ప్రేక్షకుల ముందుకు వస్తోంది. బాలీవుడ్‌ 'హంటర్‌'కి ఇది తెలుగు రీమేక్‌గా రూపొందింది. శ్రీముఖి, మిస్తి చక్రవర్తి (చిన్నదాన నీకోసం ఫేమ్‌), సుప్రియ, తేజస్వి మాదివాడ హీరోయిన్లు. యూత్‌ని కవ్వించేలా, థియేటర్లకు రప్పించేలా ప్రోమోస్‌ని రూపొందించారు. స్టిల్స్‌ అయితే ఇప్పటికే సోషల్‌ మీడియాలో వైరల్‌ అయిపోయాయి. పబ్లిసిటీ కూడా బాగా ఊపందుకుంది. ప్రస్తుతానికి 'బాహుబలి' మాత్రమే థియేటర్లలో ఉండటం, ఇంకే తెలుగు సినిమా థియేటర్లలో కన్పించకపోవడంతో, కొన్ని థియేటర్లలో అయినా 'బాబు బాగా బిజీ' పండగ చేసుకోవచ్చు. ఇదో అడల్ట్‌ కంటెన్ట్‌ మూవీ. సో ఇంట్రెస్ట్‌ బాగానే క్రియేట్‌ కావొచ్చు. 'బాహుబలి'కి టిక్కెట్లు దొరకనివారికి ఆల్టర్‌నేట్‌గా తమ సినిమా కనిపిస్తుందనే ఆలోచన కూడా 'బాబు బాగా బిజీ' టీమ్‌లో ఉందేమో! అదే ధైర్యంతో ఈ సినిమాని ఈ శుక్రవారం విడుదల చేస్తున్నారు. చూద్దాం ఈ బాబు ధియేటర్లో ఎంత బిజీ అవుతాడో!