ప్ర‌స్తుతం పూరి జ‌గ‌న్నాథ్ సినిమా తో బిజీగా ఉన్నాడు నంద‌మూరి హీరో బాల‌కృష్ణ. ఆ వెంట‌నే కె.ఎస్‌.ర‌వికుమార్ సినిమాని ప‌ట్టాలెక్కించేయ‌డానికి రెడీ అవుతున్నాడు. జూన్‌లో ఈ చిత్రం సెట్స్‌పైకి వెళ్ల‌నుంది. ఈలోగా క‌థానాయిక‌ల్ని ఎంపిక చేసే ప‌నిలో ప‌డింది చిత్ర‌బృందం. క‌థానుసారం ఇద్ద‌రు హీరోయిన్ల‌కు ఛాన్స్ ఉంద‌ట. ఆ పాత్ర‌ల కోసం త‌మ‌న్నా, ప్ర‌గ్యా జైస్వాల్‌ని ఎంచుకొన్నార‌న్న టాక్స్ వినిపిస్తున్నాయి. ఇదో ఫ్యాక్ష‌న్ క‌థ అని 'రెడ్డిగారు' అనే టైటిల్ పిక్స్ చేశార‌ని చెప్పుకొంటున్నారు. మ‌రి ఇవ‌న్నీ ఎంత వ‌ర‌కూ నిజ‌మో తెలియాలంటే ఇంకొంత కాలం ఆగాల్సిందే.
