మరోసారి తెరపైకి ఆదిత్య సీక్వెల్?

By Inkmantra - June 09, 2020 - 11:18 AM IST

మరిన్ని వార్తలు

నటసింహ నందమూరి బాలకృష్ణ సుదీర్ఘ కెరీర్లో ఓ మరపురాని చిత్రం 'ఆదిత్య 369'. సింగీతం శ్రీనివాసరావు దర్శకత్వంలో తెరకెక్కిన ఈ సైన్స్ ఫిక్షన్ సినిమా అప్పట్లో ప్రేక్షకాదరణతో పాటుగా విమర్శకుల ప్రశంసలు దక్కించుకుంది. బాలయ్య తన 100వ చిత్రం చేయకముందు ఈ సినిమాకు సీక్వెల్ ప్లాన్ చేస్తున్నారంటూ జోరుగా ప్రచారం సాగింది. ఎందుకో మరి తెలియదు కానీ సినిమా అయితే పట్టాలెక్కలేదు. తాజాగా మరోసారి 'ఆదిత్య 369' సీక్వెల్ తెరపైకి వచ్చింది. బాలయ్య ప్రస్తుతం బోయపాటి శ్రీను దర్శకత్వంలో ఒక సినిమాలో నటిస్తున్నారు.

 

ఈ సినిమా తర్వాత బాలయ్య 'ఆదిత్య 369' సీక్వెల్ చేయాలని అలోచిస్తున్నారంటూ ప్రచారం సాగుతోంది. ఈమధ్య తెలుగు ప్రేక్షకులు రొటీన్ సినిమాలకంటే భిన్నమైన చిత్రాలపై ఆదరణ చూపిస్తున్నారని, ఈ సమయంలో ఆదిత్య సీక్వెల్ చేస్తే వారికి తప్పనిసరిగా నచ్చుతుందని భావిస్తున్నారట. ఇప్పటికే ఈ సినిమా స్క్రిప్ట్ వర్క్ కూడా సింగీతం పూర్తి చేశారని.. ఫైన్ ట్యూనింగ్ చేస్తే సరిపోతుందని అంటున్నారు. సినిమాకు 'ఆదిత్య 999' టైటిల్ గా అనుకుంటున్నారని గతంలోనే వార్తలు వచ్చిన సంగతి తెలిసిందే.

 

బాలయ్య కనుక నిజంగా ఈ సినిమా టేకప్ చేస్తే అది డిఫరెంట్ సినిమా అవుతోంది. మరి ఈ ప్రాజెక్ట్ ఈ సారైనా పట్టాలెక్కుతుందా లేదా అనేది తెలియాలంటే మాత్రం రెండు మూడు నెలలు వేచి చూడక తప్పదు.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS