న్యాచురల్ స్టార్ నాని ఒక పక్క హీరోగా కొనసాగుతూనే ఒక నిర్మాణ సంస్థని స్థాపించాడు. తన సొంత నిర్మాణంలో శైలేష్ కొలను దర్శకత్వంలో వచ్చిన 'హిట్' ప్రాంచైజీ సూపర్ హిట్ అయ్యింది. హిట్ ఫస్ట్ పార్ట్ లో విశ్వక్ సేన్, సెకండ్ పార్ట్ లో అడవి శేషు నటించారు. ఇప్పుడు హిట్ 3 తెరకెక్కుతోంది. ఈ సారి హీరోగా నాని రంగంలోకి దిగాడు. హ్యాట్రిక్ హిట్స్ కొట్టి ఫుల్ ఫామ్ లో ఉన్న నాని ఈ మూవీపై కూడా అంతే కాన్ఫిడెన్స్ తో ఉన్నాడు. ఇప్పటికే 70 % షూటింగ్ కంప్లీట్ అయ్యిందని టాక్. ఈ మూవీలో నాని పోలీసు ఆఫీసర్ గా అలరించనున్నాడు.

నాని తొలిసారిగా పోలీసు పాత్రలో నటిస్తున్నాడు. ఖాకీ యూనిఫామ్ లో నాని ఎలా ఉంటాడో అన్న సందేహాన్ని తీర్చేందుకు రిపబ్లిక్ డే సందర్భంగా ఒక పోస్టర్ రిలీజ్ చేశారు. అర్జున్ సర్కార్‌గా నాని మాస్‌ లుక్‌లో అదరగొట్టాడు. అయితే ఈ మూవీకి సంబంధించిన లేటెస్ట్ న్యూస్ తో హిట్ 3 క్రేజ్ మరింత పెరిగింది. అదేంటి అంటే హిట్ ప్రాంచైజీ లో బాలయ్య కూడా యాడ్ అవుతున్నారని సమాచారం.

ఇందులో భాగంగా హిట్ 3 లో బాలయ్య కూడా నటిస్తున్నారని, క్లైమాక్స్‌లో బాలయ్య ఎంట్రీ ఉంటుంది అని తెలుస్తోంది. అదే పాత్ర కొనసాగింపు హిట్ 4 లో ఉంటుంది అని టాక్. హిట్ 4 లో ఇన్వెస్ట్ గెటీవ్ ఆఫిసర్ గా బాలయ్య కనిపించనున్నారు. ఫుల్ ఫామ్ లో ఉన్న బాలయ్య హిట్ సిరీస్ లో చేరితే బ్లాక్ బస్టర్ గ్యారంటీ అని ఫాన్స్ కుతూహలంగా ఉన్నారు. ఇప్పటికే బాలయ్య పలు ప్రాజెక్ట్స్ తో బిజీగా ఉన్నారు. జైలర్ 2 లో కీలక పాత్రలో కనిపించనున్నారు. ఇప్పుడు హిట్ 3 అండ్ హిట్ 4 బాలయ్య ఖాతాలో చేరాయి.