కృష్ణవంశీ డైరెక్షన్‌లో బాలయ్య హీరోగా 'రైతు' సినిమా తెరకెక్కనుందన్న అనౌన్స్‌మెంట్‌ ఎప్పుడో జరిగింది. అయితే ఈ సినిమాలో కీలకపాత్రలో కనిపించాల్సిన అమితాబ్‌ బచ్చన్‌ నుండి గ్రీన్‌ సిగ్నల్‌ రాకపోవడంతో ఈ సినిమా కార్యరూపం దాల్చలేదు. అయితే తాజాగా చిత్ర యూనిట్‌ మళ్లీ బిగ్‌బీతో సంప్రదింపులు ముమ్మరం చేసినట్లు తెలుస్తోంది. ఒకవేళ ఇదే నిజమైతే ఈ సినిమా త్వరలోనే పట్టాలెక్కనుందట. బాలయ్య వందో చిత్రం 'గౌతమీ పుత్ర శాతకర్ణి' సినిమా టైంలోనే ఈ సినిమా గురించి చర్చలు జరిగాయి. ఆ టైంలోనే బాలయ్య, అమితాబ్‌ని కలిసి మాట్లాడారు కూడా. అంతే కాదు బిగ్‌ బీ లేకపోతే ఆ సినిమా లేదు అని కూడా ఆయిన చెప్పారు. ఆ రకంగా అమితాబ్‌ నుండి సరైన రెస్పాన్స్‌ రాకపోవడంతో ఈ సినిమా ఆగిపోయింది. అమితాబ్‌ది చాలా కీలక పాత్రట ఈ సినిమాలో. ఆ పాత్రకి ఆయన అయితేనే న్యాయం చేయగలరనీ, ఆయన లేకపోతే సినిమా లేదు అని బాలయ్య చెప్పడం విశేషం. ఆయన ఓకే అంటేనే ఈ సినిమా పట్టాలెక్కుతుందని కూడా బాలయ్య చెప్పారు. తాజా సమాచారమ్‌ ప్రకారం అమితాబ్‌ ఈ సినిమాలో నటించేందుకు సుముఖంగా ఉన్నారని తెలుస్తోంది. ఈ సినిమాలో నటించేందుకు అమితాబ్‌ని ఒప్పించడంలో డైరెక్టర్‌ రామ్‌ గోపాల్‌ వర్మ మధ్యవర్తిగా వ్యవహరించారు కూడా. రామ్‌ గోపాల్‌ వర్మ డైరెక్షన్‌లో బిగ్‌బీ 'సర్కార్‌ 2' సినిమాలో నటిస్తున్నారు. త్వరలోనే ఈ సినిమా ప్రేక్షకుల ముందుకు రానుంది.