బాలీవుడ్‌ బ్యూటీ కంగనా ఇటు టాలీవుడ్‌లోనూ అటు బాలీవుడ్‌లోనూ హాట్‌ టాపిక్‌గా నిలిచిందిప్పుడు. అందుకు కారణం ఆమె నటించిన 'మణికర్ణిక' మూవీ, ఆ మూవీ డైరెక్షన్‌లో క్రిష్‌తో వచ్చిన వివాదాలే. అయితే తాజాగా కంగనా టాలీవుడ్‌ స్టార్‌ హీరో బాలయ్యను సపోర్ట్‌ చేస్తూ మాట్లాడుతోంది.
''మణికర్ణిక" ఫెయిల్యూర్‌కి నాదే తప్పన్నారు. మరి 'ఎన్టీఆర్‌' బయోపిక్స్‌ ఫెయిల్యూర్స్‌ మాటేంటీ.? అయ్యో పాపం బాలయ్యా..' అంటూ మొసలి కన్నీళ్లు కారుస్తోంది. అంటే బాలయ్య తన సినిమాలో కంగనాకు ఛాన్సిచ్చాడా.? ఏంటీ.? ఏమో అయ్యుండొచ్చునని బాలీవుడ్‌ వర్గాలు కోడై కూస్తున్నాయి. బాలయ్య తదుపరి సినిమా అంటే బోయపాటి శీనుతో ఉండబోతోంది. అంటే ఈ సినిమాలోనే కంగనాకు బాలయ్య సరసన నటించే ఛాన్స్‌ దక్కిందో ఏమో కానీ, క్రిష్‌కి అన్యాయం చేసిన కంగనాకి బాలయ్య ఛాన్సిస్తాడా.? ససేమిరా జరగని పని. క్రిష్‌, బాలయ్యకు మంచి స్నేహితుడు. అలాంటిది తన స్నేహితుడికి ఇంత అన్యాయం జరిగితే అది మర్చిపోయి కంగనాని టాలీవుడ్‌కి తీసుకొచ్చే సాహసం బాలయ్య చేస్తాడా.? చేయడంటున్నారు ఆయన అభిమానులు.
టైం కలిసొచ్చింది కదా అని కంగనా బాలయ్యను వాడేస్తోంది. కానీ బాలయ్య పడే రకం కాదని కంగనాకి తెలీదు కాబోలు. గతంలో కంగనా 'ఏక్‌నిరంజన్‌' సినిమాలో నటించింది తెలుగులో. పూరీ దర్శకత్వంలో ప్రబాస్‌ హీరోగా తెరకెక్కిన చిత్రమిది.
