రాజశేఖర్‌ హీరోగా తెరకెక్కుతోన్న చిత్రం 'గరుడవేగ'. రాజశేఖర్‌ పవర్‌ఫుల్‌ పోలీస్‌ ఆఫీసర్‌ పాత్రలకు పెట్టింది పేరు. ఈ సినిమాలోనూ పవర్‌ఫుల్‌ ఇంటెలిజెన్స్‌ ఆఫీసర్‌ పాత్రలో రాజశేఖర్‌ నటిస్తున్నాడు. పూజా కుమార్‌ ఈ సినిమాలో రాజశేఖర్‌తో జత కడుతోంది. జాతీయ అవార్డు గ్రహీత ప్రవీణ్‌ సత్తారు దర్శకత్వంలో తెరకెక్కుతోంది. ప్రవీణ్‌ సత్తారు సినిమాలన్నీ, సామాజిక బాధ్యతతో కూడుకున్నవిగా ఉంటాయి. అలాగే ఈ సినిమా ద్వారా సమాజానికి ఉపయోగపడే మంచి మెసేజ్‌ను పాస్‌ చేస్తూ, యాక్షన్‌ ఎంటర్‌టైనర్‌గా తెరకెక్కిస్తున్నారు ప్రవీణ్‌ సత్తారు. ఈ సినిమాకి బాలీవుడ్‌ సెక్సీ బ్యూటీ సన్నీలియోన్‌ ఐటెం సాంగ్‌ స్పెషల్‌ అట్రాక్షన్‌. ఈ పాట ఇప్పటికే యూ ట్యూబ్‌లో ఊపు ఊపేస్తోంది. కాగా 'గరుడవేగ' ట్రైలర్‌ని నందమూరి నటసింహం బాలయ్య చేతుల మీదుగా విడుదల చేస్తున్నారు. ఈ నెల 17న అనగా రేపు హైద్రాబాద్‌లోని ఆర్‌.కె.సినీ ప్లక్స్‌లో ఈ కార్యక్రమం ఘనంగా జరిపేందుకు చిత్ర యూనిట్‌ సన్నాహాలు చేస్తోంది. రాజశేఖర్‌ కెరీర్‌లో ఎన్నో యాక్షన్‌ సినిమాలు సూపర్‌ హిట్స్‌గా నిలిచాయి. వాటన్నింట్లోనూ ఈ సినిమా ప్రత్యేకంగా నిలవనుందట. డిఫరెంట్‌ స్టోరీతో, ప్రస్తుత సమాజ పరిస్థితులకు కనెక్టివ్‌గా ఈ కాన్సెప్ట్‌ తెరకెక్కుతోంది. రాజశేఖర్‌ నటన ఆకట్టుకునేలా ఉండబోతోంది. సన్నీ లియోన్‌తో షూట్‌ చేసిన సాంగ్‌లో ప్రత్యేక ఆకర్షనలు చాలా ఉన్నాయట. అవేంటో తెరపైనే చూడాలంటోంది చిత్ర యూనిట్‌. తెరపై ఆ సాంగ్‌ చూసి ఆశ్చర్యపోతారట ఆడియన్స్‌. అంత ప్రత్యేకంగా, అద్భుతంగా పక్కా మాస్‌ స్టెప్పులతో ఈ సాంగ్‌ చిత్రీకరణ జరిగింది.