నా కోరిక‌ల‌న్నీ ఈ సినిమాతో తీర్చేసుకున్నాను: నంద‌మూరి బాలకృష్ణ‌

By iQlikMovies - December 22, 2018 - 12:07 PM IST

మరిన్ని వార్తలు

ఓ తండ్రి జీవితాన్ని సినిమాగా తీస్తూ.. తండ్రి పాత్ర‌ని కొడుకు పోషించ‌డం బ‌హుశా ప్ర‌పంచ సినిమా చ‌రిత్ర‌లోనే నంద‌మూరి బాల‌కృష్ణ‌కు సాధ్య‌మైందేమో! అంతే కాదు.. బ‌యోపిక్‌ని రెండు భాగాలుగా తీయ‌డం, రెండూ నెల రోజుల వ్య‌వ‌ధిలో విడుద‌ల చేయ‌డం నిజంగా ఓ అద్భుతం అనుకోవాలి. ఈ సినిమాలో బాల‌య్య ఏకంగా 70 గెట‌ప్పుల్లో క‌నిపించ‌నున్నాడు.

 

అల‌నాడు ఎన్టీఆర్ చేసిన పాత్ర‌లన్నీ త‌ను పోషించి.. ఆ ముచ్చ‌ట తీర్చేసుకున్నాడు. అందుకే ఆడియో వేదిక‌పై 'నా కోరిక‌ల‌న్నీ ఈ సినిమాతో తీర్చేసుకున్నా' అన్నారు బాల‌య్య‌. ''నా కోరిక‌ల‌న్నీ ఈ సినిమాతో నెర‌వేర్చుకున్నా.  ఎన్టీఆర్ సినిమా వ్యాపారం కోసం చేయ‌లేదు. ఓ మంచి సినిమా చేయాలి అనుకుని ఈ సినిమా చేశాం.  రౌడీ ఇన‌స్సెప్ట‌ర్ స‌మ‌యంలో సొంత బ్యాన‌ర్ పెట్టి సినిమా తీయాల‌ని అనుకున్నా. కానీ ఇప్ప‌టికి కుదిరింది.

 

ఎన్టీఆర్ బ‌యోపిక్ నేను తీయాల‌ని రాసి పెట్టి ఉంది. ఈ సినిమా నంద‌మూరి కుటుంబ స‌భ్యులంద‌రి ఆమోదంతో, వాళ్ల స‌మ్మ‌తి తీసుకుని  చేశా. రామారావుగారిని బాల‌కృష్ణ ఆలోచ‌న‌లో ఎలా చూపించాలో క్రిష్‌ చూపించారు. ఇది కేవ‌లం అభిమానుల సినిమా కాదు. ఆబాల గోపాలం ఈ సినిమా చూసి త‌రించాలి'' అని త‌న ప్ర‌సంగంలో పేర్కొన్నారు బాల‌కృష్ణ‌.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS