టెంప‌ర్ త‌ర‌వాత క‌నిపించ‌కుండా పోయిన బండ్ల గ‌ణేష్ ఈ మ‌ధ్య మ‌రోసారి వార్త‌ల్లో ప్ర‌త్యేకంగా క‌నిపిస్తున్నాడు వినిపిస్తున్నాడు. ఇంట‌ర్వ్యూల్లో హాట్ హాట్ విష‌యాలు బ‌య‌ట‌పెట్టి సెంట్రాఫ్ ఎట్రాక్ష‌న్ అవుతున్నాడు. బండ్ల గ‌ణేష్ ప్లానింగు, అత‌ని అప్రోచ్ చూస్తుంటే మ‌రోసారి గట్టి షాకే ఇచ్చేట్టు క‌నిపిస్తున్నాడు. ఆమ‌ధ్య ఎప్పుడో వ‌వ‌న్‌తో తీయించుకొన్న ఓ ఫొటో ట్విట్ట‌ర్‌లో పెట్టి,  బండ్ల ఈజ్ బ్యాక్ విత్ బాస్ అంటూ.. ప‌వ‌న్ ఫ్యాన్స్ ని ఎట్రాక్ట్ చేశాడు. ఆరోజే ప‌వ‌న్ - బండ్ల కాంబినేష‌న్లో ఓ సినిమా వ‌స్తుందేమో అన్న ప్ర‌చారం మొద‌లైంది. ఇప్పుడు కాట‌మ‌రాయుడు సెట్లో ప‌వ‌న్‌తో తీయించుకొన్న మ‌రో ఫొటో పెట్టాడు.  ఈఫొటోలో బండ్ల‌తో మ‌రింత క్లోజ్ అయిన‌ట్టు క‌నిపిస్తున్నాడు ప‌వ‌న్‌. దాంతో.. ప‌వ‌న్ - బండ్ల కాంబోలో హ్యాట్రిక్ మూవీ రావ‌డం ఖాయ‌మ‌నే నిర్దార‌ణ‌కు వ‌చ్చేస్తున్నారు టాలీవుడ్ జ‌నాలు. ఇది వ‌ర‌కు వీరిద్ద‌రి నుంచి తీన్ మార్‌, గ‌బ్బ‌ర్ సింగ్ సినిమాలొచ్చాయి. తీన్ మార్ ఫ్లాప్ అయితే.. గ‌బ్బ‌ర్ సింగ్ సూప‌ర్ హిట్ట‌య్యింది, నిర్మాత‌గా గ‌ణేష్ రేంజ్ పెంచింది. అందుకే... బండ్ల త‌న బాస్‌తో ఓ సినిమా చేయ‌డానికి గ‌ట్టి గా ప్ర‌య‌త్నిస్తున్నాడ‌ని, అందుకే వీలున్న‌ప్పుడ‌ల్లా ప‌వ‌న్‌ని ద‌ర్శించుకొని, ప‌వ‌న్ ఫ్యాన్స్ ని ఖుషీ చేయ‌డానికి ప్ర‌య‌త్నిస్తున్నాడ‌న్న గుస‌గుస‌లు వినిపిస్తున్నాయి.