విశ్వ‌నాథ్ - క‌మ‌ల్ హాస‌న్ ల అపూర్వ క‌ల‌యిక‌లో వ‌చ్చిన మ‌రో క్లాసిక్ `స్వాతిముత్యం`. ఆ సినిమా. అందులోని క‌మ‌ల్ పాత్ర. పాట‌లు.. అన్నీ అలా గుర్తుండిపోతాయంతే. కాస్త అమాయ‌కంగా ఎవ‌రు క‌నిపించినా `స్వాతిముత్యం` అని పిలుచుకోవ‌డం అల‌వాటైపోయింది. ఇప్పుడు ఈ టైటిల్ నే బెల్లంకొండ గ‌ణేష్ గుర్తు చేస్తున్నాడు. బెల్లంకొండ గ‌ణేష్ క‌థానాయ‌కుడిగా ఓ చిత్రం రూపుదిద్దుకుంటోంది. దీనికి స్వాతిముత్యం అనే పేరు ఖ‌రారు చేశారు. ఈ రోజు బెల్లంకొండ గ‌ణేష్ పుట్టిన రోజు.
ఈ సంద‌ర్భంగా టైటిల్ తో పాటుగా ఫ‌స్ట్ లుక్ ఆవిష్క‌రించారు. హ‌ర్ష బొల్ల‌మ్మ క‌థానాయిక‌గా న‌టిస్తున్న ఈ చిత్రానికి క‌ల్యాణ్ కె. కృష్ణ ద‌ర్శ‌కుడు. సితార ఎంట‌ర్‌టైన్మెంట్స్ ప‌తాకంపై సూర్య‌దేవ‌ర నాగ వంశీ నిర్మిస్తున్నారు. మ‌హ‌తి సాగ‌ర్ స్వ‌రాలు అందిస్తున్నారు. షూటింగ్ దాదాపుగా పూర్తి కావొచ్చింద‌ట. ఇదో కుటుంబ క‌థా చిత్ర‌మ‌ని, వినోదానికి ప్రాధాన్యం ఉంద‌ని చిత్ర‌బృందం చెబుతోంది. అయితే అల‌నాటి స్వాతిముత్యానికీ, ఈ స్వాతి ముత్యానికీ ఏం తేడా ఉందో తెలియాలంటే ఇంకొన్ని రోజులు ఆగాలి.
