జయ జానకి నాయక చిత్రంతో ఒక మంచి హిట్ అందుకుని తన స్థానాన్ని పదిలం చేసుకున్న హీరో బెల్లంకొండ సాయి శ్రీనివాస్. ఇక ప్రస్తుతం దర్శకుడు శ్రీవాస్ దర్శకత్వం వహిస్తున్న ‘సాక్ష్యం’లో ప్రధాన పాత్ర పోషిస్తున్నాడు.

గత మూడు నెలలుగా దేశంలోని వివిధ ప్రాంతాల్లో షూటింగ్ జరుపుకున్న ఈ చిత్ర యూనిట్, ఇప్పుడు దుబాయ్ కి వెళ్ళింది. దుబాయ్ లో ఒక పాట, కొన్ని కీలక సన్నివేశాలతో పాటుగా ఒక స్టైలిష్ యాక్షన్ ఎపిసోడ్ ని చిత్రీకరిస్తారట. 

ఈ యాక్షన్ ఎపిసోడ్ ని పీటర్ హెయిన్స్ పర్యవేక్షిస్తుండగా, ఈ ఎపిసోడ్ సినిమా మొత్తంలో చాలా కీలకం అని చిత్ర వర్గాల మాట. ఇక ఈ సినిమాని 2018 వేసవిని టార్గెట్ చేస్తూ విడుదల చేయాలని ప్లాన్ చేస్తున్నారట. 

సాక్ష్యం చిత్రాన్ని అభిషేక్ పిక్చర్స్ నిర్మాణ సంస్థ లో అభిషేక్ నామా నిర్మిస్తున్నారు.