బెల్లంకొండ సాయి శ్రీనివాస్‌ హీరోగా ప్రస్తుతం ఓ సినిమా నిర్మాణంలో వుంది. కాజల్‌ హీరోయిన్‌ ఈ చిత్రంలో. మొన్నీమధ్యనే 'సాక్ష్యం' అంటూ ఓ భారీ సినిమాతో ప్రేక్షకుల ముందుకొచ్చాడు బెల్లంకొండ శ్రీనివాస్‌. సినిమాల రిజల్ట్‌ల సంగతెలా వున్నా, సినిమా సినిమాకీ భారీతనం విషయంలో ఏమాత్రం రాజీ పడ్డంలేదు బెల్లంకొండతో సినిమాలు తీసే నిర్మాతలు. 

తాజాగా బెల్లంకొండ శ్రీనివాస్‌ మరో సినిమాకి 'సైన్‌' చేశాడు. ఈసారి ఓ ఎంటర్‌టైనింగ్‌ లవ్‌ స్టోరీ చేయబోతున్నాడట ఈ యంగ్‌ హీరో. ఓ ప్రముఖ హీరోయిన్‌ ఈ సినిమాలో నటించనుందనే ప్రచారం జరుగుతోంది. అయితే ఎవరా హీరోయిన్‌.? అన్నది ప్రస్తుతానికైతే సస్పెన్సే. షరా మామూలుగానే ఈ సినిమా కూడా భారీ బడ్జెట్‌తో తెరకెక్కబోతోందట. ఎక్కువగా ఈ సినిమా షూటింగ్‌ విదేశాల్లోనే సాగుతుందని సమాచారమ్‌. 

తొలి సినిమా 'అల్లుడు శీను' నుంచి ఇప్పటిదాకా.. భారీతనం విషయంలో మాత్రం ఎక్కడా రాజీ పడ్డంలేదు బెల్లంకొండ శ్రీనివాస్‌. 'సాక్ష్యం' సినిమానే తీసుకుంటే, బెల్లంకొండ కెరీర్‌లోనే అత్యంత భారీ బడ్జెట్‌తో రూపొందిన సినిమా అది. ఇక, తాజా సినిమా విషయానికొస్తే, అభిషేక్‌ అగర్వాల్‌ ప్రొడక్షన్స్‌ బ్యానర్‌పై అభిషేక్‌ అగర్వాల్‌ ఈ చిత్రాన్ని నిరర్మించనున్నారు. రమేష్‌ వర్మ ఈ చిత్రానికి దర్శకుడు.