టైగర్‌ ష్రాఫ్‌, దిశాపటానీ జంటగా తెరకెక్కుతోన్న చిత్రం 'బాఘీ 2'. తాజాగా ఈ చిత్రం ట్రైలర్‌ని అఫీషియల్‌గా విడుదల చేసింది చిత్ర యూనిట్‌. ట్రైలర్‌ ఓ రేంజ్‌లో ఉంది. యాక్షన్‌ సీన్స్‌ అద్భుతహా అనిపిస్తున్నాయి. హాలీవుడ్‌ రేంజ్‌ని తలపిస్తున్నాయి యాక్షన్‌ సీన్స్‌ ఈ సినిమాలో. అంతేకాదు, హీరో టైగర్‌ ష్రాఫ్‌ కండలు తిరిగిన శరీరంతో కిక్స్‌, పంచ్‌లు ఇస్తుంటే, చూపు తిప్పుకోకుండా అలానే చూడాలనిపిస్తోంది. 

టైగర్‌ ష్రాఫ్‌ కండలు, యాక్షన్‌ ఘట్టాల్లో ఆయన పోరాటం చూస్తుంటే, హాలీవుడ్‌ హీరోలనే తల దన్నేలా ఉన్నాడు. ఇంతకీ ఈ సినిమా తెలుగులో అడవిశేష్‌ - ఆదా శర్మ జంటగా తెరకెక్కిన 'క్షణం' సినిమాకి రీమేక్‌గా తెరకెక్కుతోంది. తెలుగులో అడవి శేష్‌ని సాఫ్ట్‌వేర్‌ ఇంజనీర్‌ పాత్రలో చూపించారు. కానీ ఈ సినిమా విషయానికి వస్తే, హీరో ఓ ఆర్మీ ఆఫీసర్‌. ఒరిజినల్‌ నుండి జస్ట్‌ థీమ్‌ మాత్రమే తీసుకున్నారు. హీరో తన మాజీ ప్రియురాలి కూతుర్ని ఎలా రక్షించాడన్నది. అయితే బాలీవుడ్‌ విషయానికి వస్తే, హీరో పవర్‌ ఫుల్‌ ఆర్మీ ఆఫీసర్‌. అంటే కండలు తిరిగి ఉండాలి కదా! అసలే కండలు తిరిగిన మొనగాళ్ళలో దేశంలోనే నెంబర్‌ వన్‌ ప్లేస్‌ కొట్టేస్తాడు టైగర్‌ ష్రాఫ్‌. ఈ సినిమా కోసం ఇంకా రెచ్చిపోయాడు. అసలు మనిషా? కండల రాక్షసుడా? అనేంతలా ఉన్నాడీ బాలీవుడ్‌ హీరో. 

టైగర్‌ ష్రాఫ్‌ తండ్రి జాకీ ష్రాఫ్‌ తెలుగు ప్రేక్షకులకు సుపరిచితుడే. గోపీచంద్‌ నటంచిన 'సాహసం', విష్ణు హీరోగా వచ్చిన 'అస్త్రం' తదితర సినిమాల్లో జాకీష్రాఫ్‌ నటించి మెప్పించాడు. బాలీవుడ్‌లో అయితే ఒకప్పుడు రొమాంటిక్‌ హీరో అనిపించుకున్నాడు జాకీ. ఆయన కూడా కండలు తిరిగిన శరీరంతో సత్తా చాటాడుగానీ, టైగర్‌ ష్రాఫ్‌లా కాదు. 'క్షణం' లాంటి డీసెంట్‌ థ్రిల్లర్‌ని, 'బాఘీ-2' పేరుతో పవర్‌ఫుల్‌ యాక్షన్‌ ఎంటర్‌టైనర్‌గా మలచేయడం తెలుగు ప్రేక్షకులకి షాకింగే.