సూపర్ స్టార్ మహేష్ బాబు భరత్ అనే నేను చిత్రానికి సంబందించిన తొలి టీజర్ ఈరోజు సాయంత్రం 6గంటలకు విడుదకానుంది. ఈ తరుణంలో ఈ చిత్రానికి సంబందించిన కథ లీక్ అయిందంటూ ఇప్పుడు ఫిలిం నగర్ లో ఒక వార్త చక్కర్లు కొడుతున్నది.
ఆ వార్త ప్రకారం - భరత్ అనే నేను చిత్రంలో రచయిత - దర్శకుడు అయిన కొరటాల శివ ప్రస్తుతం ఉన్న విద్యావ్యవస్థ లోసుగులని ఎత్తి చూపిస్తున్నట్టు ఆ వార్త సారాంశం. అయితే చాలా మంది మాత్రం సమాజంలో ఉన్న అవినీతి - అక్రమాలపై ఈ చిత్రం రూపొందించారు అన్న అభిప్రాయం కూడా వ్యక్తం చేస్తున్నారు.
మరి ఈ రెండింటిలో ఏది నిజమైంది అనేది ఈ రోజు సాయంత్రం 6 గంటలకు విడుదలయ్యే టీజర్ తో ఒక క్లారిటీ వచ్చే అవకాశం ఉంది. ఇక ఈ చిత్రంలో మహేష్ సరసన కైరా అద్వాని ప్రధాన పాత్రలో కనిపిస్తున్నది, దేవీ శ్రీ ప్రసాద్ ఈ చిత్రానికి సంగీతం సమకూరుస్తున్నారు.
ఇంకొన్ని గంటలు ఆగితే 'భరత్ అనే నేను' కథ ఏమిటి అనేది పూర్తిగా తెలిసే అవకాశం ఉంది.
