సూపర్ స్టార్ మహేష్ బాబు భరత్ అనే నేను చిత్రం ఏప్రిల్ 20న ప్రపంచవ్యాప్తంగా విడుదలకానుంది. ఈ చిత్ర షూటింగ్ దాదాపుగా పూర్తయింది.
ఇక ఈ చిత్రానికి సంబందించిన టీజర్ విడుదలకి సంబందించిన సమాచారం బయటకి వచ్చింది. దాని ప్రకారం- భరత్ అనే నేను చిత్ర టీజర్ వచ్చే నెల 6వ తేదీన (మార్చ్ 6) విడుదల చేయబోతున్నారట. ఆ తరువాత కొన్నిరోజులకి ట్రైలర్, పాటలని విడుదల చేస్తూ ఈ సినిమాకి సంబందించిన పబ్లిసిటీని మొదలుపెట్టనున్నారు.
అలాగే భరత్ అనే నేను చిత్రానికి రిలీజ్ కి ముందే విపరీతమైన క్రేజ్ ట్రేడ్ వర్గాల్లో ఉన్నది. సుమారు రూ 22కోట్లకి ఆంధ్రా హక్కులని కొనుకున్నట్టు ప్రాధమికంగా తెలుస్తున్నది.
మొత్తానికి మహేష్ అభిమానులకి భరత్ అనే నేను సందడి మొదలుకానుంది.
