పవన్ క‌ల్యాణ్ క‌థానాయ‌కుడిగా హ‌రీష్ శంక‌ర్ కాంబినేష‌న్ లో ఓ సినిమా రూపుదిద్దుకుంటోంది. మైత్రీ మూవీస్ నిర్మిస్తోంది. గ‌బ్బ‌ర్ సింగ్ త‌ర‌వాత.. ఇన్నాళ్ల‌కు సెట్ అయిన ప‌వ‌ర్ ఫుల్ కాంబినేష‌న్ ఇది. అందుకే అంచ‌నాలు భారీగా ఉన్నాయి. ఈ సినిమా టైటిల్ విష‌యంలో ఇది వ‌ర‌కు చాలా లీకులు వ‌చ్చాయి. చాలా చాలా పేర్లు అనుకున్నారు.ఇ టీవ‌ల `భ‌వ‌దీయుడు భ‌గ‌త్ సింగ్` అనే టైటిల్ బ‌య‌ట‌కు వ‌చ్చింది. టైటిల్ బాగున్నా - ఇదైనా ఫిక్సా ? కాదా? అని అనుమానించారు. అయితే.. కొద్దిసేప‌టి క్రితం చిత్ర‌బృందం ఈ టైటిల్ ని అధికారికంగా ప్ర‌క‌టించింది. దాంతో ఫ్యాన్స్ పండ‌గ చేసుకుంటున్నారు.
ఈ సినిమాలో పవన్ భ‌గ‌త్ సింగ్ కి అభిమానిగా క‌నిపించ‌బోతున్నాడ‌ట. త‌న పేరు భ‌గ‌త్ సింగా? కాదా? అనేది తెలియాల్సివుంది. పవన్ లెక్చ‌ల‌ర్‌గా క‌నిపిస్తార‌ని, ఆ పాత్ర‌కు మ‌రో కోణం కూడా ఉంటుంద‌ని టాక్‌. దేవిశ్రీ ప్ర‌సాద్ ఈ చిత్రానికి సంగీతం అందిస్తున్నాడు. ఇప్ప‌టికే కొన్ని ట్యూన్లు కూడా సిద్ధం చేశాడ‌ట. క‌థానాయిక, ఇత‌ర వివ‌రాలు తెలియాల్సివుంది.
