పవర్ స్టార్ పవన్ కళ్యాణ్ మానియా ఓవర్సీస్ లో షురూ అయ్యింది. అభిమానులకు భీమ్లా నాయక్ ఫీవర్ పట్టుకుంది. ఈనెల 25న భీమ్లా రాక ఖరారైన సంగతి తెలిసిందే. ప్రస్తుతం యుఎస్ తో పాటు పలు ఓవర్సీస్ ఏరియాల్లో టికెట్ల అడ్వాన్స్ బుకింగ్ జోరుగా ప్రారంభమైయింది. యూస్ లో అయితే ప్రీమియర్ షోలకు సంబధించిన టికెట్లు కూడా హాట్ కేకుల్లా ఎగిరిపోతున్నాయని తెలిసింది. తెలుగు రాష్ట్రలకి సంబధించిన టికెట్ల బుకింగ్ ప్రక్రియ ఇంకా ప్రారంభం కావాల్సివుంది.
వకీల్ సాబ్ తర్వాత పవన్ కళ్యాణ్ నుంచి వస్తున్న సినిమా కావడంతో భీమ్లా నాయక్ పై సహజంగానే భారీ అంచనాలు వున్నాయి. పైగా భీమ్లా నాయక్ మలయాళం లో సూపర్ హిట్ సాధించిన కథ. తెలుగు నేటివిటీకి తగ్గట్టు మార్పులు చేర్పులు చేసి తెరకెక్కించారు. దర్శకుడు త్రివిక్రమ్ కూడా స్క్రిప్ట్ లో బాగామయ్యారు. ఇప్పటికే ఆడియో సూపర్ హిట్ అయ్యింది. పవన్ కళ్యాణ్ , రానా కాంబినేషన్ అదిపోయిందని టాక్. ఇవన్నీ కూడా భీమ్లా పై అంచనాలు పెంచాయి. ప్రస్తుతం కరోనా కూడా తగ్గుముఖం పట్టడంతో భారీ ఓపెనింగ్స్ వచ్చే అవకాశాలు వున్నట్టు ట్రేడ్ వర్గాలు అంచనా వేస్తున్నాయి.
