శుక్ర‌వారం విడుద‌లైన భీష్మ‌.... నితిన్ కెరీర్‌లో బిగ్గెస్ట్ హిట్ దిశ‌గా ప‌రుగులు తీస్తోంది. తొలి రోజే హిట్ టాక్ తెచ్చుకున్న ఈ సినిమా మెల్ల‌మెల్ల‌గా సూప‌ర్ హిట్ వైపుకు ప‌రుగులు పెడుతోంది. రోజు రోజుకీ పెరుగుతున్న వ‌సూళ్లే అందుకు సాక్ష్యం. శుక్ర‌వారం మంచి ఓపెనింగ్ అందుకున్న భీష్మ‌.. శ‌నివారం అదే జోరు కొన‌సాగించింది. ఆదివారం సైతం.. భీష్మ వ‌సూళ్ల వ‌ర్షం కురిపించింది. తొలి మూడు రోజుల‌కు గానూ రెండు తెలుగు రాష్ట్రాల్లోనూ క‌లిసి 14.9 కోట్ల షేర్ సాధించింది.

నైజాంలో 5.9 కోట్లు, సీడెడ్‌లో 2.24 కోట్లు, నెల్లూరులో 48 ల‌క్ష‌లు, గుంటూరులో 1.37 కోట్లు, కృష్ణాలో 92 ల‌క్ష‌లు వ‌సూలు చేసింది. ఉభ‌య గోదావ‌రి జిల్లాలు క‌లిపి 2 కోట్లు తెచ్చుకుంది. ఉత్త‌రాంధ్ర‌లో 1.79 కోట్లు సాధించింది. ఇలా మొత్తంగా అన్ని ఏరియాల నుంచీ అదిరిపోయే వ‌సూళ్లు వ‌స్తున్నాయి. సోమ‌వారం నుంచి ఈ వేగం మంద‌గించినా, ఈ వార‌మంతా ఈ సినిమా థియేట‌ర్ల‌లో ఉంటుంది. సో... అతి త్వ‌ర‌లోనే బ్రేక్ ఈవెన్ తెచ్చుకునే అవ‌కాశం ఉంది.