సాధార‌ణంగా వీక్ ఎండ్స్‌లో ఉన్న జోరు.. వీక్‌డేస్‌లో క‌నిపించ‌దు. సినిమా ఎంత బాగున్నా... తొలి మూడు రోజులే. సోమవారం వ‌సూళ్లు బాగా డ్రాప్ అయిపోతాయి. ఒక్కోసారి ఆది వారానికి, సోమ‌వారానికీ 80 శాతం తేడా క‌నిపిస్తుంది. అయితే.. నితిన్ కొత్త సినిమా భీష్మ మాత్రం సోమవారం కూడా నిల‌క‌డైన వ‌సూళ్లు అందుకుంది. నాలుగో రోజు ఈ చిత్రానికి 1.9 కోట్ల షేర్ సంపాదించింది. మొత్తంగా చూస్తే 16.8 కోట్లు సాధించింది.
సోమవారం నైజాంలో 71 ల‌క్ష‌లు, సీడెడ్‌లో 31 ల‌క్ష‌లు, నెల్లూరులో 6 ల‌క్ష‌లు, గుంటూరులో 14 ల‌క్ష‌లు, కృష్ణాలో 10 ల‌క్ష‌లు ఇలా... ప్ర‌తీ చోటా నిల‌క‌డ‌గానే వ‌సూళ్లు తెచ్చుకుంది. ప‌గ‌టి పూట ఆట‌లు డ‌ల్‌గా ఉన్నా, ఫ‌స్ట్ షో, సెకండ్‌షోలు ఫుల్ అవుతున్నాయి. మ‌ల్టీప్లెక్సులు నిండుతున్నాయి. భీష్మ‌కి పోటీగా మ‌రో సినిమా లేక‌పోవ‌డం బాగా క‌లిసొచ్చింది. ఈ శుక్ర‌వారం `హిట్` సినిమా విడుద‌ల అవుతోంది. అది మిన‌హాయిస్తే ఈసారీ భీష్మ‌కి గ‌ట్టి పోటీ లేదు.
