గత 79 రోజులుగా బుల్లితెరపై రన్‌ అవుతోన్న బిగ్‌బాస్‌ షో మరో నాలుగు వారాలు మాత్రమే మిగిలి ఉంది. హౌస్‌లో ఎనిమిది మంది కంటెస్టెంట్లున్నారు. ముగ్గురు లేడీ కంటెస్టెంట్లు, ఐదుగురు మేల్‌ కంటెస్టెంట్లు. వారిలో ఎవరు బిగ్‌బాస్‌ టైటిల్‌ని గెలుచుకుంటారన్న అంశంపై ఆసక్తికరమైన చర్చ జరుగుతోంది. టైటిల్‌ విన్నర్స్‌లో పునర్నవి కూడా ఉండొచ్చని ఇంతవరకూ ఫ్యాన్స్‌ భావించారు. కానీ, ఆమెను ఈ వారం ఎలిమినేట్‌ చేసి, ట్విస్ట్‌ ఇచ్చింది బిగ్‌బాస్‌ టీమ్‌. ఇక మిగిలిన వారిలో మహేష్, రాహుల్‌, వరుణ్‌ ఈ వారం నామినేట్‌ అయ్యారు.
అంటే, వీరిలోంచి ఈ వారం ఎవరో ఒకరు హౌస్‌ నుండి బయటికి రావల్సి ఉంది. లేడీ కంటెస్టెంట్లు హౌస్‌లో స్ట్రాంగ్‌గా కనిపిస్తున్నారు. శ్రీముఖి, శివజ్యోతి, వితిక ఈ ముగ్గురూ ముగ్గురే. వీరితో పాటు, బాబా భాస్కర్‌ అవకాశమొచ్చినప్పుడల్లా తన స్ట్రెంత్‌ బయటపెడుతున్నాడు. ఇక రాహుల్‌, మహేష్ సంగతి చెప్పనే అక్కర్లేదు. వరుణ్‌ కూల్‌ అండ్‌ కామ్‌గా ఫ్రూట్‌ గేమ్‌ ప్లే చేస్తున్నాడు. ఇదంతా పక్కన పెడితే, వైల్డ్‌ కార్డ్‌ ఎంట్రీలో వచ్చిన అలీ వచ్చిన రెండో వారమే ఎలిమినేట్‌ అవుతాడనుకున్నారంతా. కానీ, అలీ అసలు నామినేట్‌ కాకుండా జాగ్రత్త పడుతున్నాడు. సేఫ్‌ గేమ్‌ ప్లే చేస్తున్నాడు.
ఇక వితికాని కొట్టడం ఎవ్వరి వల్లా కాదని బ్యాటిల్‌ ఆఫ్‌ ది మెడాలియన్‌ గేమ్‌లో తేలిపోయింది. మరోవైపు ఈ సారి బిగ్‌బాస్‌ టైటిల్‌ ఇద్దరు లేడీస్‌ మధ్య పోటీపడుతుందని అంటున్నారు. మరి ఆ లేడీస్‌లో వితిక పేరు ఖచ్చితంగా ఉంటుంది. ఆ రెండో లేడీ ఎవరనే దానిపై సస్పెన్స్‌ నెలకొంది. బహుశా అది శ్రీముఖి కావచ్చా.? అలా అని శివజ్యోతిని తక్కువంచనా వేయడానికి లేదు. ఏమో చూడాలి మరి, క్లైమాక్స్‌కి చేరిన బిగ్‌బాస్‌ ఇంకెన్ని ట్విస్టులు ఇవ్వనుందో.!
