బిగ్‌బాస్‌ ఫినాలేకి ముగ్గురు హీరోయిన్లతో కొత్త గ్లామర్‌ అద్దనున్నారంటూ ముందుగా ప్రచారం జరిగింది. కానీ, ముగ్గురు కాదు, ఏకంగా నలుగురు హీరోయిన్స్‌ని తీసుకొచ్చారు. మొదటగా రాశీఖన్నా, డైరెక్టర్‌ మారుతిని హౌస్‌లోకి పంపించి టాప్‌ 5 నుండి ఒకర్ని ఎలిమినేట్‌ చేశారు. తర్వాత తెలుగమ్మాయ్‌ అంజలి పర్‌ఫామెన్స్‌ చేయించి, హౌస్‌లోకి పంపించారు. మరొకర్ని ఎలిమినేట్‌ చేశారు. ఆ తర్వాత కేథరీన్‌ పర్‌ఫామెన్స్‌ ప్లస్‌ ఎలిమినేషన్‌ జరిగింది. కేథరీన్‌తో పాటు హీరో శ్రీకాంత్‌ని కూడా హౌస్‌లోకి పంపించారు.
టాప్‌ 3 కంటెస్టెంట్‌ అయిన బాబా భాస్కర్‌ని బయటికి తీసుకొచ్చారు. చివరిగా హాట్‌ భామ నిధి అగర్వాల్‌ స్టేజ్‌ పర్‌ఫామెన్స్‌తో దుమ్ము దులిపేశారు. కంటెస్టెంట్లు పునర్నవి, వితిక, రవికృష్ణ తదితరులు స్టేజ్‌ ఫర్‌ఫామ్‌తో ఆకట్టుకున్నారు. ఇంతకు ముందెన్నడూ లేని విధంగా దాదాపు నాలుగు గంటల లాంగ్‌ టైమ్‌లో బిగ్‌బాస్‌ ఫినాలేని చాలా గ్రాండ్‌గా నిర్వహించారు. చివరిలో మెగాస్టార్‌ చిరంజీవి చేతుల మీదుగా ట్రోఫీ ప్రధానం చేసి, అరుదైన గౌరవాన్ని తీసుకొచ్చారు బిగ్‌బాస్‌ సీజన్‌ 3కి.
ఇంతవరకూ జరిగిన బిగ్‌బాస్‌ ఎపిసోడ్స్‌ పట్ల ఆడియన్స్‌ ఏమైనా అసంతృప్తి ఫీలైతే, ఈ ఫినాలే ఎపిసోడ్‌తో అదంతా తీరిపోయింది. తదుపరి బిగ్‌బాస్‌ సీజన్‌ వరకూ, కాదు కాదు, అంతకు ముందూ, ఆ తర్వాత కూడా మర్చిపోలేని విధంగా బిగ్‌బాస్‌ సీజన్‌ 3 ఫినాలేని డిజైన్‌ చేశారు. సో ఎండ్‌ ఆఫ్‌ ది డే హ్యాట్సాఫ్‌ టు బిగ్‌బాస్‌.!
