ప్రస్తుతం బిగ్‌ హౌస్‌లో రెండు గ్రూపులు రన్‌ అవుతున్నట్లు కనిపిస్తోంది. ఒకటి వరుణ్‌ అండ్‌ గ్యాంగ్‌, ఇంకోటి శ్రీముఖి అండ్‌ గ్యాంగ్‌. వరుణ్‌ గ్రూప్‌లో వితికా, రాహుల్‌, పునర్నవి ఉన్నారు. ఇక శ్రీముఖి టీమ్‌లో బాబా భాస్కర్‌, శివజ్యోతి, రవి ఉన్నారు. మహేష్ అటూ కాక, ఇటూ కాక ఉన్నట్లు కనిపిస్తున్నాడు. ఇకపోతే, హౌస్‌లో శ్రీముఖికీ, బాబా భాస్కర్‌కీ మధ్య హద్దులు దాటే స్నేహం ఉందన్న సంగతి తెలిసిందే.
అయితే ఆ స్నేహానికి తాజా ఎలిమినేషన్‌తో ఫిటింగ్‌ పెట్టాడు బిగ్‌బాస్‌. ఇద్దరిద్దరి జంటలుగా విడదీసి హాట్‌ సీట్‌ ప్రక్రియలో ఎలిమినేషన్‌ ఎపిసోడ్‌ నడిపించాడు. ఆ క్రమంలో శివజ్యోతి, శ్రీముఖి పెయిర్‌లో శివజ్యోతికి సపోర్ట్‌ చేసి, శ్రీముఖిని నామినేట్‌ చేశాడు బాబా భాస్కర్‌. బాబా అలా చేయడంతో శ్రీముఖి షాకయ్యింది. బాగా హర్టయ్యింది. వన్‌ ఫైన్‌ టైమ్‌ నాకెందుకు సపోర్ట్‌ చేయలేదని బాబాని నిలదీసింది కూడా. శివజ్యోతిని సపోర్ట్‌ చేయడానికి బాబా తన వద్ద ఉన్న కారణాలను విపులీకరించి చెప్పాడు.
నువ్వు స్ట్రాంగ్‌ కంటెస్టెంట్‌ కాబట్టి, ఒకవేళ నామినేట్‌ అయినా సేవ్‌ అవ్వగలవన్న నమ్మకంతో నామినేట్‌ చేశాను.. అయినా సారీ అని చెప్పాడు బాబా. కానీ బాబా భాస్కర్‌ సారీని శ్రీముఖి అంగీకరించలేదు. దాంతో బాబా హర్టయ్యాడు. ఇలా వీరిద్దరి మధ్యా కొన్ని గంటల పాటు చిన్న గ్యాప్‌ ఫామ్‌ అయ్యింది. తర్వాత బిగ్‌బాస్‌ ఇచ్చిన టాస్క్‌తో హౌస్‌లో సందడి వాతావరణం నెలకొంది.
