‘బిగ్‌బాస్‌’ సూపర్ హిట్ రియాలిటీ షో. హిందీతో పాటు మిగిలిన అన్ని భాషల్లో భాషల్లో పాపులర్ అయ్యింది. తెలుగులో ఈ షోకి మంచి క్రేజ్ వచ్చింది. బిగ్ బాస్ హౌస్ అంటే అదో పెద్ద వినోదం. తెలుగు ప్రేక్షకులు ఈ వినోదాన్ని కాస్త ఎక్కువగానే ఆస్వాదించారు. ఇప్పుడు తెలుగు ప్రేక్షకులని ద్రుష్టిలో పెట్టుకొని ఏకంగా నాన్ స్టాప్ బిగ్ బాస్ షోని ప్లాన్ చేశారు.
బిగ్ వాస్ ని 24/7 వినోదం పంచేందుకు ఓటీటీలో తీసుకొస్తున్నారు. ‘బిగ్‌బాస్‌ నాన్‌స్టాప్‌’ పేరుతో ప్రసారంకానున్న ఈ షోకి నాగార్జున వ్యాఖ్యాత. తాజా ఈ షో ప్రోమో రిలీజ్ చేశారు. ప్రోమో కూడా ఆసక్తికరంగా వుంది. ఉరిశిక్ష ఖరారైన ఖైదీ తన చివరి కోరికగా బిగ్‌బాస్‌కి సంబంధించి ఒక్క ఎపిసోడ్‌ను చూడాలనుకుంటాడు. తన కోరిక మేరకు ఈ షోను ప్రసారం చేయగా అది ఎంతకీ పూర్తవదు. ఇదీ ప్రోమో. ‘బిగ్‌బాస్‌ నాన్-స్టాప్’ కార్యక్రమంలో పాల్గొన్న కంటెస్టెంట్‌ల వివరాలు త్వరలోనే తెలియనున్నాయి. స్టార్ మాలో లో ప్రసారమయ్యే బిగ్ బాస్ కి లక్షల్లో ఫ్యాన్స్ వున్నారు. ఇప్పుడు ఈ షోని ‘డిస్నీ+ హాట్‌స్టార్‌’ ఓటీటీ కోసం డిజైన్ చేశారు. మరి ఈ ఓటీటీ షో డిస్నీ+ హాట్‌స్టార్‌ కు ఎంతమంది చందాదారులు పెంచుతుందో చూడాలి.
