Ram, Boyapati: రామ్ కోసం బోయ‌పాటి భారీ స్కెచ్‌

By Gowthami - June 28, 2022 - 12:00 PM IST

మరిన్ని వార్తలు

అఖండ‌తో త‌న స్టామినా ఏపాటితో నిరూపించేశాడు బోయ‌పాటి శ్రీ‌ను. మాస్‌, క‌మ‌ర్షియ‌ల్ సినిమాల్ని తీయ‌డంలో త‌న‌ని మించిన వాడు లేడ‌న్న విష‌యాన్ని మ‌రోసారి ఘ‌నంగా చాటుకొన్నాడు. అఖండ త‌ర‌వాత టాప్ హీరోలంతా బోయ‌పాటి శ్రీ‌నుతో సినిమాలు చేయ‌డానికి క్యూ క‌ట్టారు. అయితే... ఆ అవ‌కాశం రామ్‌ని వ‌రించింది. రామ్ - బోయ‌పాటి శ్రీ‌ను కాంబినేష‌న్‌లో ఓ చిత్రం రూపుదిద్దుకొంటున్న సంగ‌తి తెలిసిందే. ఈ సినిమా ఇంకా మొద‌లు కాలేదు. అప్పుడే కాక పెంచేస్తోంది. ఈ సినిమాకి దాదాపుగా రూ.100 కోట్ల బ‌డ్జెట్ అవ్వ‌బోతోంద‌ని టాక్‌. రామ్ పై ఇంత బ‌డ్జెట్ పెట్ట‌డం ఇదే తొలిసారి. అదంతా.. బోయ‌పాటి శ్రీ‌ను మ‌హిమే.

 

ఈ చిత్రం కోసం బాలీవుడ్ క‌థానాయిక‌ని బోయ‌పాటి శ్రీ‌ను రంగంలోకి దించుతున్నాడ‌ని వార్త‌లొస్తున్నాయి. రామ్ స‌ర‌స‌న ప‌రిణితీ చోప్రాని క‌థానాయిక‌గా ఎంచుకుంటార‌ని అనుకుంటున్నారు. ప‌రిణితీ వ‌స్తే... ఈ సినిమాకి అమాంతం క్రేజ్ పెరిగిపోయిన‌ట్టే.

 

అంతే కాదు... విల‌న్‌గా త‌మిళ స్టార్‌ని తీసుకురావ‌డానికి ప్లాన్ చేస్తున్నాడ‌ట‌. త‌మిళంలో స్టార్ హోదా అనుభ‌విస్తున్న శివ కార్తికేయ‌న్ ని ఈ సినిమాలో విల‌న్ గా చూపించ‌బోతున్నాడ‌ని టాక్‌. శివ కార్తికేయ‌న్ హీరోగా తెలుగులో ఓ సినిమా రూపుదిద్దుకుంటున్న సంగ‌తి తెలిసిందే. ఈ సినిమాలో విల‌న్‌గానూ ఎంట్రీ ఇస్తే... తెలుగులో త‌న కెరీర్‌కి హెల్ప్ అవుతుంద‌ని శివ కార్తికేయ‌న్ భావిస్తే... రామ్‌, బోయ‌పాటి, శివ‌కార్తికేయ‌న్ కాంబో సెట్ట‌యితే.. ఈ సినిమా మ‌రో స్థాయికి వెళ్ల‌డం ఖాయం.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS