కొత్త తరం దర్శకుల ఆలోచన ధోరణి మారుతోంది. ఒక్క హిట్టుపడిన వెంటనే టాప్ లీగ్ హీరోలే టార్గెట్ ముందుకు కదులుతున్నారు. టాప్ హీరోల డేట్లు ఖాళీ లేకపోతే ఏళ్ల తరబడి నీరిక్షించడానికి సిద్దపడుతున్నారు తప్పితే మరో మీడియం సినిమా చేసే ఆలోచనలో లేరు. ప్రభాస్ తో రాదే శ్యామ్ తెరకెక్కించిన దర్శకుడు రాధ కృష్ణ ప్రభాస్ కోసం ఏడేళ్ళు ఎదురుచూశాడు తప్పితే జిల్ తర్వాత మరో సినిమా చేయలేదు.
ఇప్పుడు బుచ్చిబాబు కూడా ఇదే పంధాలో వెళ్తున్నాడు. ఉప్పెనతో మంచి విజయాన్ని అందుకున్నాడు బుచ్చి. ఈ సినిమా తర్వాత బుచ్చికి చాలా అవకాశాలు వచ్చాయి. ఇప్పటికీ వస్తున్నాయి. కానీ బుచ్చి మాత్రం ఎన్టీఆర్ తో సినిమా చేయాలనీ ఫిక్స్ అయిపోయాడు. ఎన్టీఆర్ లైను చాలా పెద్దగా వుంది. ఈ గ్యాప్ లో బుచ్చి ఇంకొ సినిమా చేయొచ్చు. కానీ అటుగా ఆలోచన చేయడం లేదు. ఎన్టీఆర్ కూడా బుచ్చితో సినిమా చేయడానికి ఆసక్తిగా వున్నాడు. అయితే ఇంకా కథ ఫైనల్ కాలేదు. ఎన్టీఆర్ చేయాల్సిన సినిమాలు కూడా లైన్ లో వున్నాయి. అయితే ఎంత కాలం పట్టినా తన రెండో సినిమా ఎన్టీఆర్ తోనే అని టార్గెట్ ఫిక్స్ చేసుకున్నాడు. ఉప్పెన క్రేజీ ని ఎన్టీఆర్ కోసమే వాడాలని బలంగా ఫిక్స్ అయిపోయాడు బుచ్చి.
