సంక్రాంతి సందర్భంగా జనవరి 12న 'అల వైకుంఠపురములో..' సినిమా ప్రేక్షకుల ముందుకు రానుంది. ఈ సందర్భంగా చిత్ర యూనిట్‌ ప్రమోషన్స్‌తో ఊదరగొట్టేస్తున్నారు. ఆ క్రమంలో ఇప్పటికే సాంగ్‌ టీజర్స్‌, లిరికల్‌ సాంగ్‌ వీడియోలతో అదరహో అనిపించారు. లేటెస్ట్‌గా విడుదల చేసిన 'బుట్టబొమ్మ..' సాంగ్‌ రిహార్సల్‌ టీజర్‌ ఒకటీ, 'సామజవరగమనా..' సాంగ్‌ ప్రోమో ఒకటి యూ ట్యూబ్‌లో సెన్సేషనల్‌ అవుతున్నాయి. ఇంతవరకూ ఈ సాంగ్స్‌కి సంబంధించి లిరికల్‌ వీడియోలు మాత్రమే రిలీజ్‌ చేశారు.
Here’s a special sneak peak of #buttabomma for you’ll...shhhh...don’t tell anyone 🤫🤭😉 #alavaikunthapurramuloo #topsecret @alluarjun #Trivikram @MusicThaman @ArmaanMalik22 @haarikahassine @GeethaArts #PSVinod pic.twitter.com/9y9qpXYluQ
— Pooja Hegde (@hegdepooja) December 29, 2019
ఇవే యూ ట్యూబ్‌ వేదికగా సంచలన రికార్డులు సాధించగా, ఇక లేటెస్ట్‌ ప్రోమోస్‌ సినిమాపై అంచనాల్ని నెక్స్‌ట్‌ లెవల్‌కి తీసుకెళ్లిపోయాయి. 'సామజవరగమనా..' సాంగ్‌ ప్రోమోలో అల్లు అర్జున్‌ స్టైల్‌, పూజా హెగ్దే క్యూట్‌ అండ్‌ రొమాంటిక్‌ అప్పీల్‌ ఈ ప్రోమోకి మెయిన్‌ అట్రాక్షన్‌గా నిలవగా, 'బుట్టబొమ్మా..' సాంగ్‌లో పొట్టి గౌనులో పూజా హెగ్దే చేస్తున్న డాన్సింగ్‌ స్టెప్పులు అచ్చు డాన్సింగ్‌ డాళ్‌ని తలపిస్తూ, కుర్రకారును కైపెక్కిస్తున్నాయి. టోటల్‌గా ఈ రెండు సాంగ్‌ ప్రోమోలు ఇప్పుడు యూత్‌ని ఉర్రూతలూగిస్తున్నాయి. త్రివిక్రమ్‌ శ్రీనివాస్‌ డైరెక్షన్‌లో తెరకెక్కిన ఈ సినిమాలో యంగ్‌ హీరోలు నవదీప్‌, సుశాంత్‌, నివేదా పేతురాజ్‌, కీలక పాత్రలు పోషిస్తుండగా, సీనియర్‌ నటి టబు మరో ఇంపార్టెంట్‌ రోల్‌లో కనిపిస్తోంది.
