మోడ్రన్‌ 'చాణక్య' వచ్చేదెప్పుడంటే!

By iQlikMovies - July 03, 2019 - 17:30 PM IST

మరిన్ని వార్తలు

హ్యాండ్సమ్‌ గై గోపీచంద్‌ తాజా చిత్రం 'చాణక్య'. తమిళ డైరెక్టర్‌ తిరు ఈ చిత్రాన్ని తెరకెక్కిస్తున్నాడు. ఈ సినిమా ప్రస్తుతం శరవేగంగా షూటింగ్‌ కంప్లీట్‌ చేసుకుంటోంది. హైద్రాబాద్‌ శివారు ప్రాంతాల్లో 'చాణక్య' షూటింగ్‌ జరుగుతోంది. కాగా, దాదాపు చివరి దశకు చేరుకున్న ఈ సినిమా త్వరలోనే షూటింగ్‌ పూర్తి చేసుకోనుందట. ఇక పాటలు మినహా టాకీ పార్ట్‌ పూర్తి కానుందట.

 

పాటల కోసం 'చాణక్య' టీమ్‌ విదేశాలకు ఫ్లై అవ్వనుందనీ సమాచారమ్‌. కథ విషయానికి వస్తే, స్పై థ్రిల్లర్‌ కథాంశంతో విభిన్నంగా ఈ చిత్రం తెరకెక్కబోతోందట. గోపీచంద్‌కి జోడీగా హనీ ఈజ్‌ ద బెస్ట్‌ మెహ్రీన్‌ నటిస్తోంది. గోపీచంద్‌ గత చిత్రం 'పంతం'తో నిరాశపరిచాడు. ఆ మాటికొస్తే, 'జిల్‌' తర్వాత ఆ స్థాయిలో చెప్పుకోదగ్గ హిట్‌ పడలేదు గోపీచంద్‌కి. 'చాణక్య' ఆ స్థాయి హిట్‌ ఇచ్చే సినిమా అవుతుందంటున్నారు. ఎ.కె. ఎంటర్‌టైన్‌మెంట్స్‌ బ్యానర్‌లో రామ బ్రహ్మం సుంకర ఈ చిత్రాన్ని నిర్మిస్తున్నారు. టాకీ పార్ట్‌ పూర్తి కాగానే సినిమా రిలీజ్‌ డేట్‌ కన్‌ఫామ్‌ చేయనున్నారనీ తాజా సమాచారమ్‌.

 

ఇదిలా ఉంటే, లేటెస్ట్‌గా ఈ సినిమా నుండి ఓ కొత్త పోస్టర్‌ వదిలారు. గెడ్డం, కళ్లకు బ్లాక్‌ కలర్‌ గాగుల్స్‌తో పక్కనే ఉన్న జీపుకు జారబడి స్వీట్‌ స్మైల్‌ ఇస్తూ, హ్యాండ్‌సమ్‌ గోపీచంద్‌ స్టైల్‌గా పోజిచ్చాడు ఈ పోస్టర్‌లో. ఈ పోస్టర్‌కి మంచి రెస్పాన్స్‌ వస్తోంది. ఇకపోతే, 'చాణక్య' పేరు వినగానే ఎత్తుకు పైఎత్తులు వేసే నాటి చాణక్యుడే గుర్తొస్తాడు. ఆ పేరును టైటిల్‌గా పెట్టారంటే ఈ సినిమా ఖచ్చితంగా సమ్‌థింగ్‌ డిఫరెంట్‌ అనే అనుకోవాలి. ఏమో చూడాలి మరి, 'చాణక్య'తోనైనా గోపీచంద్‌ ఆకట్టుకుంటాడో లేదో.!


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS