ఈ శుక్ర‌వారం నాలుగు సినిమాలు విడుద‌ల‌య్యాయి. అయితే అంద‌రి దృష్టీ `చెక్‌`పైనే ప‌డింది. నితిన్ - చంద్ర‌శేఖ‌ర్ ఏలేటి కాంబినేష‌న్‌లో రూపొందిన సినిమా ఇది. నితిన్ ఫుల్ స్వింగ్ లో ఉన్నాడు. చంద్ర‌శేఖ‌ర్ ఏలేటిపై మంచి న‌మ్మ‌కాలే ఏర్ప‌డ్డాయి. దాంతో ఈ సినిమా టాక్ ఆఫ్ ది టౌన్ అయ్యింది. అయితే విడుద‌లైన తొలి రోజే ఫ్లాప్ టాక్ మూట‌గ‌ట్టుకుంది. నితిన్‌, చందూల అభిమానులు సైతం ఈసినిమా చూసి పెద‌వి విరిచారు.

దానికి తగ్గ‌ట్టే వీకెండ్ గ‌డిచింది.  ఈ సినిమాకి తొలి మూడు రోజుల్లో కేవ‌లం 7.27 కోట్లే వ‌చ్చాయి. దాదాపు 17 కోట్ల బిజినెస్ జ‌రుపుకున్న ఈ సినిమాకి 7 కోట్లు వ‌చ్చాయంటే.. న‌ష్టాలు ఏ స్థాయిలో ఉంటాయో ఊహించుకోవొచ్చు. శుక్ర‌వారం ఓ మాదిరిగా ఉన్న ఓపెనింగ్స్ శ‌ని, ఆదివారాల‌కూ కోలుకోలేదు.

చెక్ మూడు రోజుల క‌ల‌క్ష‌న్లు

నైజాం 2.4 కోట్లు
సీడెడ్ 80 ల‌క్ష‌లు
ఉత్త‌రాంధ్ర 90 ల‌క్ష‌లు
గుంటూరు 82 లక్ష‌లు
ఈస్ట్ 32 ల‌క్ష‌లు
వెస్ట్ 50 లక్ష‌లు
కృష్ణ 43 ల‌క్ష‌లు
నెల్లూరు 25 ల‌క్ష‌లు
రెస్టాఫ్ ఇండియా 40 ల‌క్ష‌లు
ఓవ‌ర్సీస్ 45 ల‌క్ష‌లు