చిరంజీవి ప్ర‌స్తుతం `ఆచార్య`గా సిద్ధ‌మ‌వుతున్నాడు. మ‌రోవైపు `లూసీఫ‌ర్‌` రీమేక్ ప‌నులు శ‌ర‌వేగంగా సాగుతున్నాయి. మోహ‌న్ రాజా ఈ చిత్రానికి ద‌ర్శ‌క‌త్వం వ‌హిస్తారు. ఇది వ‌ర‌కే ద‌ర్శ‌కుడు బాబి సినిమాకీ చిరు ఓకే చెప్పేసిన సంగ‌తి తెలిసిందే. ఈ సినిమా క‌థ కూడా దాదాపుగా సిద్ధ‌మైపోయింది. త్వ‌ర‌లోనే ఈ చిత్రానికి సంబంధించిన ఓ అధికారిక ప్ర‌క‌ట‌న వ‌స్తుంద‌ని స‌మాచారం. ఈ చిత్రానికి `వీర‌య్య` అనే టైటిల్ ప‌రిశీల‌న‌లో ఉంద‌ట.
గ్రామీణ నేప‌థ్యంలో ఈ సినిమా సాగ‌బోతోంద‌ని, గ్రామాల విలువ‌ని, విశిష్ట‌త‌నీ చెప్పే సినిమా ఇద‌ని.. టాక్‌. గ్రామాల‌ను ద‌త్త‌త తీసుకోమ‌ని `శ్రీ‌మంతుడు`లో మహేష్ చెప్పాడు. స‌ర‌గ్గా అలాంటి శ‌క్తిమంత‌మైన పాయింట్ తోనే ఈ సినిమా కూడా తెర‌కెక్క‌బోతోంద‌ని తెలుస్తోంది. కోన వెంక‌ట్ ఈ చిత్రానికి క‌థ అందిస్తున్నారు. న‌టీన‌టులు, ఇత‌ర సాంకేతిక నిపుణుల వివ‌రాలు త్వ‌ర‌లోనే వెల్ల‌డ‌వుతాయి.
