నాగ శౌర్య నటించడమే కాకుండా నిర్మాతగా మారి చేసిన చిత్రం ఛలో. ఈ చిత్రం వచ్చే శుక్రవారం ప్రపంచవ్యాప్తంగా విడుదలకానుంది.
మొన్నీమధ్యనే ఛలో ప్రీ-రిలీజ్ వేడుకకి మెగాస్టార్ చిరంజీవి రావడం ఈ చిత్రం విజయవంతం కావాలని ఆశీర్వదించడం అలాగే తనని తాను నాగ శౌర్య లో చూసుకుంటున్నట్టు కూడా చెప్పడంతో అనగా శౌర్య ఆనందానికి అవధుల్లేకుండా పోయింది.
ఇక ఇందుకు కృతజ్ఞతగా ఈ ఛలో చిత్రాన్ని విడుదలకి ముందు రోజే మెగాస్టార్ చిరంజీవికి ‘మెగా ప్రీమియర్’ రూపంలో ఇవ్వనున్నట్టు సమాచారం. దీనితో విడుదలకి ముందురోజే ఈ చిత్రం స్పెషల్ ప్రీమియర్ ద్వారా విడుదల కాబోతున్నదనమాట.
మొత్తానికి ఈ ఛలో చిత్రానికి మెగా అండదండలు పూర్తిగా ఉండటం అలాగే ఈ సినిమాలో కూడా కంటెంట్ ఫ్రెష్ గా ఉండడంతోఈ సినిమా పక్కా హిట్ అన్న టాక్ మొదలయింది.
