ప్రసారాలకు ముందు ఎన్నో అంచనాలతో మొదలైన బిగ్‌బాస్‌ తెలుగు రియాలిటీ షో బిగ్‌బాస్‌ సీజన్‌ 3, మొదలయ్యాకా రెండు, మూడు రోజులు సూపర్‌ అనిపించినా, తర్వాత మాత్రం లిటరల్‌గా 'చెత్త' సీజన్‌ అనే ముద్ర వేయించుకుంది. కానీ, ఫినాలేకి మెగాస్టార్‌ ఎంట్రీతో, ఎక్కడా లేని, నిజానికి ఇతర భాషల్లో కూడా లేనంత హైప్‌ తెచ్చుకుంది తెలుగు బిగ్‌ బాస్‌ సీజన్‌ 3. హోస్ట్‌గా నాగార్జున టోటల్‌ ఫెయిల్యూర్‌ అనే ముద్ర చెరిగిపోయింది చిరంజీవిని ఫినాలేకి తీసుకొచ్చి. లాస్ట్‌ 15 నిముషాలు స్టేజ్‌పై చిరంజీవి కనిపించి, చేసిన సందడి అంతా ఇంతా కాదు.

ప్రతీ ఒక్క కంటెస్టెంట్‌నీ పేరు పేరున పలకరిస్తూ, హౌస్‌లో వారి వారి బిహేవియర్‌ని చాటుకున్న విధానాన్ని రెండు ముక్కల్లో గొప్పగా వివరించిన తీరు అమోఘం, అద్భుతం. అందుకే ఆయన మెగాస్టార్‌ అంతే. ఈ సందర్భంగా నాగార్జున, మెగాస్టార్‌ చిరంజీవిని రియల్‌ బిగ్‌బాస్‌ అని అభివర్ణించడం మెగా ఫ్యాన్స్‌ని సంతృప్తి పరిచింది. బిగ్‌బాస్‌ హోస్ట్‌గా గత మూడు నెలలుగా నాగార్జున తెచ్చుకున్న కాస్తో, కూస్తో బ్యాడ్‌ ఇమేజ్‌ని ఈ ఒక్క మాటతో పటా పంచల్‌ చేసేసుకున్నాడు. తెలుగు, హిందీ, తమిళంతో కలిపి వరల్డ్‌ వైడ్‌గా 26 భాషల్లో బిగ్‌బాస్‌ రియాల్టీ షో నడిచిందనే మెగా ఇన్‌ఫామేషన్‌ చిరంజీవి ఇచ్చారు. వాటిన్నింట్లోకెల్లా, ఈ సీజన్‌ తెలుగు బిగ్‌బాస్‌ బెస్ట్‌ షో ఇన్‌ ద వరల్డ్‌ అని చిరంజీవి ప్రశంసించడం ఈ సీజన్‌కి దక్కిన గొప్ప విశేషం.