మెగాస్టార్‌ 150వ సినిమా 'ఖైదీ నెంబర్‌ 150' సినిమాతో 100 కోట్ల మార్కెట్‌కి దగ్గరగా వచ్చాడన్న సంగతి తెలిసిందే. అయితే 100 కోట్లకు దగ్గరగా వచ్చిన మెగాస్టార్‌ చిరంజీవి. నేడు లేదా రేపు ఆ 100 కోట్ల షేర్‌ని టచ్‌ చేస్తాడని సినీ వర్గాలు అంచనా వేస్తున్నాయి. మెగా ఫ్యామిలీ నుంచి ఇంతవరకూ 100 కోట్లు కొల్లగొట్టిన తొలి హీరో అవుతాడు మెగాస్టార్‌ చిరంజీవి. తెలుగు సినీ పరిశ్రమకు సంబంధించినంత వరకు ఈ మార్క్‌ టచ్‌ చేసిన తొలి సినిమా 'బాహుబలి' మాత్రమే. గ్రాస్‌ పరంగా ఎప్పుడో మెగాస్టార్‌ చిరంజీవి 'ఖైదీ నెంబర్‌ 150'తో రికార్డుల్ని బద్దలుగొట్టేశారు. షేర్‌ పరంగా ఇప్పుడు రికార్డులు బద్దలు కొట్టబోతున్నాడు మెగాస్టార్‌. చిరంజీవి రీ ఎంట్రీలో వచ్చిన మూవీకి ఈ మార్కెట్‌ ఊహించనిది. అలాంటిది చాలా ఈజీగా మెగాస్టార్‌ ఈ మార్కెట్‌ని క్రాస్‌ చేసేశాడు. ఇదే జోరు చిరంజీవి ఇకపై కూడా కొనసాగించనున్నాడు. వెంటనే తన తదుపరి సినిమా మెగాస్టార్‌ చిరంజీవి స్టైలిష్‌ డైరెక్టర్‌ సురేందర్‌ రెడ్డితో చేస్తున్నాడు. రామ్‌ చరణ్‌ ఈ సినిమాకి నిర్మాత. అలాగే మరిన్ని మంచి సబ్జెక్టులు చిరంజీవి చేయబోయే సినిమాల లైన్‌లో ఉన్నాయి. అందులో ఒకటి ఉయ్యాలవాడ నర్సింహారెడ్డి సినిమా. ఈ సినిమాలో చిరంజీవి నటిస్తే అది ఖచ్చితంగా చరిత్రలో నిలిచిపోయే సినిమా అవుతుంది. ఈ సినిమా వినాయక్‌ లేదా బోయపాటి శీను డైరెక్షన్‌లో ప్రముఖ నిర్మాత అల్లు అరవింద్‌ నిర్మించే అవకాశాలున్నాయి.