చిరంజీవి 151వ సినిమా 'సైరా న‌ర‌సింహారెడ్డి'కి గుమ్మ‌డికాయ కొట్టేశారు. అక్టోబ‌రు 2న ఈ సినిమా ప్రేక్ష‌కుల ముందుకు రానుంది. ఇప్పుడు చిరు ఏమాత్రం ఆల‌స్యం చేయ‌కుండా త‌న 152వ చిత్రానికీ కొబ్బ‌రికాయ కొట్టేయ‌బోతున్నాడు. చిరు త‌దుప‌రి సినిమా కొర‌టాల శివ‌తో అన్న సంగ‌తి తెలిసిందే. చిరు కోసం కొర‌టాల కూడా చాలా కాలం నుంచి ఎదురుచూస్తూనే ఉన్నాడు. ఇక కొర‌టాల‌ని వెయిటింగ్‌లో పెట్ట‌డం చిరుకి ఇష్టం లేదు.

అందుకే.. వెంట‌నే ఈ సినిమా మంద‌లెట్టాల‌ని భావిస్తున్నాడు. జులై మొద‌టి వారంలో చిరు 152వ చిత్రం ప‌ట్టాలెక్క‌బోతోంది. ఇందుకోసం హైద‌రాబాద్ శివార్ల‌లో ఓ భారీ సెట్‌ని తీర్చిదిద్దుతున్నారు. అందులోనే షూటింగ్ మొద‌ల‌వ్వబోతోంది. రంగ‌స్థ‌లం కోసం వేసిన సెట్ ఇప్ప‌టికీ అలానే ఉంది. దాన్ని కాస్త అటూ ఇటూ మార్చి ఈ సినిమా కోసం వాడుకోబోతున్నార‌ని తెలుస్తోంది. 2020 వేస‌వికి ఈ చిత్రాన్ని విడుద‌ల చేయాల‌న్న‌ది ప్లాన్‌.