'సైరా'కి అస‌లు స‌మ‌స్య అదే!

మరిన్ని వార్తలు

హ‌మ్మ‌య్య‌... మొత్తానికి 'సైరా' షూటింగ్ పూర్త‌య్యింది. ఈ సినిమాకి గుమ్మ‌డి కాయ కొట్టేశార‌ని ఫొటోగ్రాఫ‌ర్ సింథిల్ ట్వీట్ చేశాడు. డీఐ కూడా మొద‌లైపోయింద‌న్న చ‌ల్ల‌ని క‌బురు చెప్పేశాడు. అక్టోబరు 2న ఈ సినిమాని విడుద‌ల చేయాల‌ని చిత్ర‌బృందం భావిస్తోంది. అక్టోబ‌రు 2న ఈసినిమా విడుద‌ల అవ్వ‌డం ఖాయం అనుకోవొచ్చు. కాక‌పోతే ఇక్క‌డ ఒక్క‌టే స‌మ‌స్య‌. ఈ సినిమాలో కొన్ని కీల‌క ఘ‌ట్టాలు విజువ‌ల్ ఎఫెక్ట్స్‌పై ఆధార‌ప‌డి ఉన్నాయి. మ‌రీ ముఖ్యంగా వార్ ఎపిసోడ్స్ అన్నీ - గ్రాఫిక్స్‌తో కూడుకున్న‌వే. అవి ఎప్ప‌టికి పూర్త‌వుతాయో చెప్ప‌లేని ప‌రిస్థితి.

 

గ్రాఫిక్స్ అనేది ద‌ర్శ‌క నిర్మాత‌ల చేతుల్లో ఉండ‌ని వ్య‌వ‌హారం. గ్రాఫిక్ సంస్థ‌లకు ఓ టార్గెట్ ఇచ్చినా - అంత‌లోపు పూర్తి చేయని సంద‌ర్భాలెన్నో ఉన్నాయి. రోబో 2.O సినిమా ప‌లుమార్లువాయిదా ప‌డ‌డానికి ముఖ్య కార‌ణం ఇదే. ఇప్పుడు 'సైరా'కీ అదే స‌మ‌స్య వ‌చ్చి ప‌డింది. గ్రాఫిక్స్ ఎప్పుడు పూర్త‌వుతాయో చెప్ప‌లేని ప‌రిస్థితి. అందుకే చ‌ర‌ణ్ ఈ విష‌యంపై కాస్త సీరియ‌స్‌గా దృష్టి పెట్టాడ‌ట‌. ఒకే సంస్థ‌ని న‌మ్ముకోకుండా.. ఒక్కో యాక్ష‌న్ పార్ట్ ఒక్కో కంపెనీకి అప్ప‌టించాడ‌ని తెలుస్తోంది.

 

వ‌ర్క్ ఎంత వ‌ర‌కూ అయ్యిందో, అందులో ఉన్న క్వాలిటీ ఎంతో ఎప్ప‌టి క‌ప్పుడు తెలుసుకుంటూనే ఉన్నాడ‌ట‌. అక్టోబరు 2న ఈ సినిమా ఎట్టి పరిస్థితుల్లోనైనా విడుద‌ల చేయాల‌న్న‌ది చ‌ర‌ణ్ ప‌ట్టుద‌ల‌. కాక‌పోతే అది గ్రాఫిక్స్‌పైనే ఆధార‌ప‌డి ఉంది.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS