ప్రముఖ హాస్యనటుడు గుండు హనుమంతరావు (61) మృతికి సినీ పరిశ్రమ మొత్తం తమ విచారాన్ని తెలియచేసింది.
ఇక హనుమంతరావు మృతికి మెగాస్టార్ చిరంజీవి స్పందిస్తూ- గుండు హనుమంతరావు వంటి ప్రతిభావంతుడు అయిన హాస్యనటుడు ఇలా కాలం చేయడం దురదృష్టకరం. అదే సమయంలో గుండు హనుమంతరావు కి ఈ మధ్యనే ఆరోగ్య సమస్యలు ఉన్నాయని తెలిస్తే తాను స్పందించి ఆర్ధిక సహాయం చేశాను.
ఆయన త్వరలోనే కోలుకొని మళ్ళీ ఎప్పటిలాగానే సంతోషంగా జీవిస్తారు అని ఆశించాను, ఇంతలో ఇలా జరగడం తనని బాగా కలిచి వేసింది అని చెప్పుకొచ్చారు.
చిరంజీవి లాగానే మరికొంతమంది ప్రముఖులు కూడా హనుమంతరావు అకాల మృతికి తమ విచారాన్ని వ్యక్తం చేశారు. ఇక ఆఖరి వరకు హనుమంతరావుకి తోడుగా ఆయన కొడుకు ఉన్నాడు.
