తెలుగు జాతి గ‌ర్వించ‌ద‌గిన న‌టుడు, నేత... ఎన్టీఆర్. ఆయ‌న జ‌యంతి ఈరోజు. అందుకే యావ‌త్ తెలుగు ప్ర‌పంచం ఎన్టీఆర్ నామ స్మ‌ర‌ణ‌లో మునిగిపోయింది. మెగాస్టార్ చిరంజీవి కూడా ఎన్టీఆర్ జ్ఞాప‌కాల‌తోనే ఈ రోజు ప్రారంభించారు. ఈమ‌ధ్య చిరంజీవి ట్విట్ట‌ర్ లో బిజీగా ఉంటున్న సంగ‌తి తెలిసిందే. ప్ర‌తీ ప్ర‌త్యేక‌మైన సంద‌ర్భాన్నీ ఆయ‌న ట్విట్ట‌ర్‌లో త‌న అభిమానుల‌తో పంచుకుంటున్నారు. ఈ రోజు ఎన్టీఆర్ జ‌యంతి సంద‌ర్భంగా ఎన్టీఆర్‌తో తాను ఉన్న ఫొటోని అభిమానుల‌తో పంచుకున్నారు.
తెలుగుజాతి పౌరుషం, తెలుగువారి ఆత్మ గౌర‌వం తెలుగు నేల గుండెల్లో ఎప్ప‌టికీ చెదరని స్థానం నందమూరి తారక రామారావు కీర్తి అజరామరం వారితో క‌లసి నటించడం నా అదృష్టం అంటూ ట్వీట్ చేశారు. ఎన్టీఆర్‌కు చిరు, చిరుకి ఎన్టీఆర్ ప్రేమ‌గా కేక్ తినిపిస్తున్న దృశ్యం అది. ఇప్పుడు ఈ ఫొటో.. సోష‌ల్ మీడియాలో వైర‌ల్ గా మారింది.
తెలుగు జాతి పౌరుషం, తెలుగు వారి ఆత్మగౌరవం
— Chiranjeevi Konidela (@KChiruTweets) May 28, 2020
తెలుగు నేల గుండెల్లో ఎన్నటికీ చెదరని జ్ఞాపకం
నందమూరి తారక రామారావుగారి కీర్తి అజరామరం.
వారితో కలిసి నటించడం నా అదృష్టం.
పుట్టినరోజునాడు ఆ మహానుభావుని స్మరించుకుంటూ... pic.twitter.com/LgSKsItxdO
