త్రివిక్రమ్‌ - అల్లు అర్జున్‌ కాంబినేషన్‌లో తెరకెక్కుతోన్న సినిమా కోసం ఓ సాంగ్‌ రీమిక్స్‌ చేద్దామనుకుంటున్నారట. మెగాస్టార్‌ సూపర్‌ హిట్‌ సినిమాలోని సూపర్‌ పాపులర్‌ సాంగ్‌ అనీ తెలుస్తోంది. అయితే పూర్తి సాంగ్‌ని రీమిక్స్‌ చేయరట. ఓ సాంగ్‌లో చిన్న బిట్‌ మాత్రమే రీమిక్స్‌ చేద్దామని అనుకుంటున్నారట. ఈ సాంగ్‌ రీమిక్స్‌ ఆలోచన పూర్తిగా త్రివిక్రమ్‌దే అని తెలుస్తోంది.
తొలుత సాంగ్‌ మొత్తం రీమిక్స్‌ చేద్దామనుకున్నారట. కానీ, అల్లు అర్జున్‌ సూచన మేరకు చిన్న బిట్‌ మాత్రమే తీసుకోవాలనుకుంటున్నారట. తమన్‌ ఈ సాంగ్‌కి మ్యూజిక్‌ అందిస్తున్నారు. ఫుల్‌ ఎనర్జిటిక్‌గా ఈ సాంగ్‌ ఉండబోతోందట. సిట్యువేషనల్‌గా సాగే ఈ సాంగ్‌లో ఈ బిట్‌ చాలా ఎనర్జిటిక్‌గా కంపోజ్‌ చేస్తున్నారట. మామూలుగా త్రివిక్రమ్‌ సినిమాలో సాంగ్స్‌ అన్నీ కాన్సెప్ట్‌ ఓరియెంటెడ్‌లోనే ఉంటాయి.
అయితే ఈ సాంగ్‌ మాత్రం సిట్యువేషన్‌గా సాగుతూ, మధ్యలో చిన్న బిట్‌ మాత్రం చాలా చాలా ఎనర్జిటిక్‌గా ఉంటుందట. ఆ బిట్‌కే అల్లు అర్జున్‌ స్టెప్స్‌ ఇరగదీసేస్తాడట. 'అలకనంద' అనే టైటిల్‌ని ఈ సినిమాకి పరిశీలిస్తున్న సంగతి తెలిసిందే. పూజా హెగ్ధే హీరోయిన్‌గా, టబు కీలక పాత్రలో నటిస్తున్నారు. మరో ముఖ్యమైన పాత్ర కోసం నివేదా థామస్‌ పేరు కూడా పరిశీలనలో ఉంది.
