ఇటీవల జరిగిన 'కవచం' సినిమా ప్రీ రిలీజ్ ఈవెంట్లో భాగంగా స్టేజ్పై కాజల్ మాట్లాడుతుండగా చోటా.కె.నాయుడు ఆమెని ముద్దాడిన ఇష్యూ సోషల్ మీడియాలో పెద్ద రచ్చయిన సంగతి తెలిసిందే. ఈ రచ్చ ఆగకపోయేసరికి చోటా స్పందించాల్సి వచ్చింది.
కాజల్తో పని చేయడం నా అదృష్టం. గతంలోనూ మేమిద్దరం కలిసి పలు చిత్రాల్లో నటించాం. మా మధ్య మంచి స్నేహం ఉంది. కాజల్ తనను ఓ కుటుంబ సభ్యుడిలానే భావిస్తుంది. ఆ చనువుతోనే ఆమెను ముద్దాడాను తప్ప, నేనేమీ అసభ్యంగా ప్రవర్తించలేదు.. అంటూ చోటా.కె.నాయుడు తాను చేసిన తొందరపాటు పనిని సమర్ధించుకున్నారు. అయినా ఈ సమర్ధింపు ఆయనకు సబబుగా ఉండొచ్చేమో కానీ, ఓపెన్ స్టేజ్పై చోటా.కె.నాయుడు చేసిన ఈ తీరు కాస్త ఇబ్బందికరంగా అనిపించింది.
ఎన్నో సక్సెస్ఫుల్ సినిమాలకు సినిమాటోగ్రాఫర్గా పని చేసి ఎంతో మంచి పేరు తెచ్చుకున్న ఆయన చేసిన ఈ చర్యతో ఇంతవరకూ సంపాదించుకున్న ఆయన ఉన్నత స్థాయిని దిగజార్చుకున్నట్లయ్యింది. ఏకంగా సినీ పరిశ్రమ నుండి ఆయన్ని బహిష్కరించాలంటూ కొందరు ఆయనపై తీవ్రంగా ఆగ్రహం వ్యక్తం చేస్తున్నారు. మరికొందరు చిన్న విషయాన్ని పెద్దది చేసి చూస్తున్నారనీ చోటాకి మద్దతు పలుకుతున్నారు.