ఇదేం కెప్టెన్సీ టాస్క్‌ మహాప్రభో! అని బిగ్‌బాస్‌ వ్యూయర్స్‌ తలలు పట్టుకుంటున్నారు. హోటల్‌ టాస్క్‌లో అబిజీత్‌ బృందం ఓడిపోయింది. అయితే, ఈ టాస్క్‌లో అత్యధికంగా టిప్పు పొందిన అఖిల్‌ సార్థక్‌ కెప్టెన్సీ టాస్క్‌కి ఎంపికయ్యాడు. సీక్రెట్‌ టాస్క్‌లో సక్సెస్‌ అయిన అవినాష్‌ కూడా కెప్టెన్సీ టాస్క్‌ కోసం ఎంపికయ్యాడు. అతిథుల జట్టు నుంచి సోహెల్‌ని ఎంపిక చేశారుగానీ, ఇక్కడే గందరగోళం. అరియానా, మెహబూబ్‌, హారిక.. తొలుత సోహెల్‌కి మద్దతివ్వలేదు.
కానీ, సోహెల్‌ అలిగాడు నిస్సిగ్గుగా. దాంతో మెహబూబ్‌ సరిపెట్టుకోవాల్సి వచ్చింది. కింద మంట పెట్టి, చేతిలో ఐస్‌ క్యూబ్స్‌ బౌల్‌ పెట్టి కెప్టెన్సీ టాస్క్‌ నడిపారు. అవినాష్‌ కాలి గాయంతో బాధపడుతున్నాడు. అఖిల్‌ డ్రమెటిక్‌గా టాస్క్‌ నుంచి తప్పుకున్నాడు. ఇదంతా చూస్తే, సోహెల్‌ని కెప్టెన్‌ చేయాలనే బిగ్‌బాస్‌ నిర్ణయానికి అనుగుణంగానే అంతా ‘డ్రామా’ ఆడారనే విషయం స్పష్టమవుతోంది. ఈ వారం ఎలిమినేషన్‌ ప్రాసెస్‌ కోసం సోహెల్‌ నామినేట్‌ అయిన విషయం విదితమే.
నేటితో ఓటింగ్‌ ముగియనుంది. అయితే, ఇప్పటికే ఎలిమినేట్‌ అవ్వాల్సిన వ్యక్తి / వ్యక్తులు ఖాయమైపోయారన్న ప్రచారం జరుగుతోంది. ఓటింగ్‌తో సంబంధం లేకుండా వికెట్లు పడుతున్న విషయం విదితమే. అలా ఈసారి కూడా జరుగుతుందని అంటున్నారు. డబుల్‌ ఎలిమినేషన్‌ అనే ప్రచారం ఇంకోసారి తెరపైకొచ్చింది. ఇదిలా వుంటే, ఇప్పటిదాకా కెప్టెన్సీలు, ఎలిమినేషన్‌.. అంతా స్క్రిప్టెడ్‌ వ్యవహారంలా వుంది తప్ప.. ఏదీ రియల్‌ అనిపించడంలేదనే ఫిర్యాదులు బిగ్‌బాస్‌ వ్యూయర్స్‌ నుంచి వెల్లువెత్తుతున్నాయి.
