భారీ అంచ‌నాల మ‌ధ్య విడుద‌లైంది `డియ‌ర్ కామ్రేడ్‌`. వ‌రుస విజ‌యాల‌తో దూసుకుపోతున్న విజ‌య్ దేవ‌ర‌కొండ‌, అందాల తార ర‌ష్మిక జంట‌గా న‌టించిన సినిమా ఇది. వీరిద్ద‌రి కాంబోలో వ‌చ్చిన `గీత గోవిందం` వంద కోట్లు తెచ్చుకుంది. అందుకే ఈ సినిమాపై మ‌రిన్ని అంచ‌నాలు పెరిగాయి. తొలి రోజు... యావ‌రేజ్ టాక్ తెచ్చుకున్న కామ్రేడ్‌... బాక్సాఫీసు ద‌గ్గ‌ర మాత్రం మంచి ఫ‌లితాన్ని రాబ‌ట్టింది.

తొలి మూడు రోజులకు గానూ... దాదాపు 19 కోట్ల షేర్ వ‌సూలు చేసింది. నైజాంలో అత్య‌ధికంగా 5.6 కోట్లు తెచ్చుకుంది. విజ‌య్ కెరీర్‌లో ఇవే అత్య‌ధిక వ‌సూళ్లు. నైజాంతో పోలిస్తే, ఆంధ్రా, సీడెడ్ బాగా డ‌ల్‌గా ఉన్న‌ట్టే లెక్క‌. ఓవ‌ర్సీస్‌లోనూ డియ‌ర్ కామ్రేడ్‌కి మంచి వ‌సూళ్లే ద‌క్కాయి. ఇప్ప‌టి వ‌ర‌కూ అక్క‌డ 3 కోట్లు తెచ్చుకుంది కామ్రేడ్‌. సోమ‌వారం నుంచి ప‌రిస్థితి ఎలా ఉంటుంద‌న్న‌దాన్ని బ‌ట్టి - `డియ‌ర్ కామ్రేడ్‌` బాక్సాఫీసు రిజల్ట్ ఆధార‌ప‌డి ఉంటుంది.