కింగ్ నాగార్జున & నానిల మల్టీస్టారర్ దేవ్ దాస్ కి సంబందించిన ఫస్ట్ లుక్ నిన్న విడుదలైంది. అయితే మొదటినుండి ఈ సినిమాకి ప్రేరణ ఒక హిందీ చిత్రం అంటూ పలు వార్తలు వచ్చాయి.

కాకపోతే నిన్న ఫస్ట్ లుక్ విడుదలయ్యాక మాత్రం ఈ చిత్రం హాలీవుడ్ లో వచ్చిన “అనలైజ్ దిస్” అనే చిత్రం తాలుకా ఫ్రీమేక్ అని అంటున్నారు. ఆ చిత్రంలో కూడా ఒక డాన్-డాక్టర్ మధ్య జరిగే కథ కాగా ఈ దేవ్ దాస్ కూడా అదే కథ కాబట్టి కచ్చితంగా ఇది ఆ చిత్రానికి ఫ్రీమేక్ అన్న భావన సర్వత్రా వ్యక్తమవుతున్నది.

ఇక ఈ చిత్రం సెప్టెంబర్ 27న ప్రేక్షకుల ముందుకి రానుంది. ప్రముఖ నిర్మాత అశ్వినీదత్ ఈ సినిమాని నిర్మిస్తుండగా యంగ్ డైరెక్టర్ శ్రీరామ్ ఆదిత్య ఈ సినిమాకి దర్శకత్వం వహిస్తున్నారు.

మరి ఇది ఫ్రీమేక్ అవునో? కాదో? అన్నది రిలీజ్ అయ్యాక కాని తెలియదు.