శర్వానంద్- కిషోర్ తిరుమల కలయికలో తెరకెక్కుతున్న సినిమా ‘ఆడాళ్ళూ.. మీకు జోహార్లూ..’. రష్మిక మందన్న హీరోయిన్. దేవిశ్రీ ప్రసాద్ మ్యూజిక్ అందించాడు. తాజాగా ఈ సినిమా నుంచి టైటిల్ సాంగ్ బయటికి వచ్చింది. పాట బావుంది. కానీ ఆల్రెడీ విన్న ట్యూన్ లా అనిపిస్తుంది. అదీ కూడా దేవిశ్రీ- కిషోర్ తిరుమల కలయికలో వచ్చిన సినిమాలోనే. 'ఉన్నది ఒక్కటే జిందగీ'లో వాటమ్మ వాట్ థిస్ అమ్మా పాటని గుర్తుకు తెచ్చిందీ టైటిల్ సాంగ్. పైగా ఈ రెండు పాటలు పాడింది దేవిశ్రీనే. ఇక లిరిక్స్ కూడా బావున్నప్పటికీ .. ట్యూన్ లో ఫోర్స్ గా ఇరికించారనే ఫీలింగ్ కలుగుతుంది. దేవిశ్రీ టైటిల్ సాంగస్ చేయడంలో దిట్ట.
దేవిశ్రీ మ్యూజిక్ లో వచ్చిన టైటిల్ సాంగ్స్ దాదాపు హిట్స్. ఆడవాళ్ళూ మీకు జోహార్లు టైటిల్ పాట కూడా క్యాచిగా వుంది, మాస్ ఆడియన్స్ అభిరుచికి దగ్గరగా వుంది. అయితే ట్యూన్, బీట్ లో కొత్తదనం వినిపించివుంటే బావుండేదనే కామెంట్ వినిపిస్తుంది. అయితే ట్యూన్స్ ని ఎంపిక చేసే ఛాయిస్ ఫైనల్ గా దర్శకుడి చేతిలో వుంది. బహుశా దర్శకుడే అలాంటి ట్యూన్ కావాలని అడుగుండవచ్చు. ఏదేమైన ఒక రిపీట్ ట్యూన్ ని వినిపించారనే భావన కలుగుతుంది.
