హీరో వెంకటేష్-సంగీత దర్శకుడు దేవీ శ్రీ ప్రసాద్ కలయికలో చాలా మంచి హిట్ సాంగ్స్ ఉన్నాయి. తులసి,నమో వేంకటేశ చిత్రాలలో పాటలు అందరిని ఎంతగానో అలరించాయి. అయితే వీరి కలయికకి కొంత విరామం వచ్చింది.
అయితే ఇన్ని రోజుల తరువాత ఈ ఇద్దరు కలిసి మళ్ళీ ఓ చిత్రానికి పనిచేయబోతున్నారు. ఆ చిత్రం మరేదో కాదు వెంకటేష్-వరుణ్ తేజ్ ల చిత్రం F2. (Fun & Frustration). దర్శకుడు అనిల్ రావిపుడు దర్శకత్వంలో తెరకెక్కుతున్న ఈ చిత్రానికి దేవి శ్రీ ప్రసాద్ స్వరాలు సమకూర్చనున్నాడు.
ఇదే సమయంలో వరుణ్ తేజ్ చిత్రానికి కూడా దేవి శ్రీ ప్రసాద్ సంగీతం అందించడం ఇది తొలిసారి కావడం విశేషం. ఇక ఈ చిత్రాన్ని దిల్ రాజు నిర్మిస్తుండగా త్వరలోనే ఈ చిత్ర షూటింగ్ మొదలుకానుంది అని సమాచారం. మరో విశేషమేమిటంటే- తమన్నా & మేహ్రీన్ లు ఈ ఇద్దరి హీరోల సరసన నటించనున్నారు.
మరి వెంకీ-వరుణ్ లకి దేవీ శ్రీ ప్రసాద్ అదిరిపోయే సంగీతాన్ని ఇస్తాడు అనే నమ్మకం అందరిలోనూ ఉంది.
